Luke 4:7 - Hawaii Pidgin Bible

⁷ I give you all dis, if you go down on yoa knees an show me plenny respeck.”

Luke 4:7 Iomraidhean Croise

Songs 72:11

I like fo all da king guys Go down in front him. I like fo all da nations Stay his worka guys.

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 46:6

Get peopo pour out gold from dea money bag, An weigh dea silva on top da scales. Dey pay one metal worka guy Fo make da gold come one god. Den dey go down an put dea face on top da groun An pray to um.

Matthew 2:11

Dey go inside da house. Dey see da boy an his muddah Mary. Dey go down in front him an show him respeck. Den dey take out dea rich stuffs, an give um to Jesus. Dey give um gold, incense, an spesho kine myrrh perfume.

Luke 17:16

He go down by Jesus feets, an tell him “Mahalo plenny!” He one guy from Samaria.

Luke 4:6

An da Devil tell him, “All dis powa an awesome stuff, az mines, an I can give um to anybody I like.

Luke 4:8

Jesus tell him, “No ways! Cuz da Bible tell befo time, “ ‘Gotta go down on yoa knees An show plenny respeck to God Da One In Charge a you, An live an work ony fo him.’ ”

Luke 8:28

Plenny times befo, one bad spirit take um ova. No matta da guy get chains on his hands an feets, an anodda guy watch um real good, he still broke da chains. An da bad spirit make da guy go odda places wea nobody stay. So wen da spirit spock Jesus, da guy yell, an fall down by Jesus feet. Jesus tell da bad spirit, “Let go da guy!” Da spirit yell, “Eh, wat you like do to me, Jesus? Da God Dass Mo Importan Den All Da Odda Gods, I know you his Boy! I beg you, no hurt me!”

Jesus Show 22:8

Me, John, I da guy wen hear an see all dis stuff. Afta I hear an see dat, I go down in front da angel guy dat show um to me, fo show love an respeck fo him.

Jesus Show 4:10

Erytime da four tings dat stay alive an go ery place God go do dat, da twenny-four older leadas go down in front God dat sit on top da throne, an show love an respeck fo him. He da One dat stay alive foeva an eva. Dey put dea crowns down in front his throne, an sing lidis:

Jesus Show 5:8

Afta he take um, da four tings dat stay alive an go ery place God go, an da twenny-four older leadas, dey go down in front da Bebe Sheep Guy. Dey all get harp an gold kine bowl wit incense inside. Da incense, dass jalike all da tings da peopo dat stay spesho fo God aks him fo do.