Luke 4:5 - Hawaii Pidgin Bible

⁵ Den da Devil take Jesus up on top one high place, an show him all da diffren countries all ova da world in one secon.

Luke 4:5 Iomraidhean Croise

Job 20:5

Da peopo dat do bad kine stuff, Ony short time dey get fo dance an sing. Da peopo dat ack jalike God no matta, Dey stay good ony fo short time.

Songs 73:19

Real fas, God make dem real sked An wase um! Horraz kine stuff Goin come on top dem, An dey goin mahke cuz a dat!

Matthew 24:14

All ova da world goin get peopo dat goin tell all da Good Kine Stuff bout how fo get God fo dea king. All da diffren kine peopos goin hear wass fo real, an den, eryting goin come pau.

Matthew 4:8

Den da Devil take him up on top one big mountain, an show him all da diffren countries all ova da world, an how awesome dey stay.

1 Corint 15:52

Dis goin happen real fas, mo fas den can blink yoa eye. Goin happen bumbye wen time fo blow da las trumpet. Goin get da noise from da trumpet. Right den, da mahke guys goin come back alive. No way dey goin mahke an come rotten one mo time! Same ting wit us guys, us all goin come diffren.

1 Corint 7:31

o if you use da stuff from dis world, o if you let um go, no big ting. Cuz da way da world stay now, goin all pau.

2 Corint 4:17

We get plenny big time trouble now, but you know wat? Wen we tink bout how awesome us goin come to da max foeva, den we know all dat trouble ony manini kine!

Efesus 2:2

Dat time, you guys wen make jalike all da odda peopo all ova da world. You guys wen like lissen da Bad Guy. I stay talking bout da guy dass da leada fo all da bad kine spirits up inside da sky. An you guys wen like fo do wat he tell you guys fo do. Az da same strong spirit dat make peopo go agains wat God tell um fo do.

Efesus 6:12

Eh! Us guys stay in war time now, you know! But we no stay fight regula kine peopo dat get blood an bones. We stay fight da spirit leadas, da spirits dat get plenny powa, da main gods dat stay in charge a dis dark world, an da spirits wit powa inside da sky dat you no can see. Dey da bad kine powas!