Luke 4:29 - Hawaii Pidgin Bible

²⁹ Dey stan up, drag him outside da town, an take him on top da hill wea da town stay, fo throw him ova da cliff.

Luke 4:29 Iomraidhean Croise

2 Records 25:12

Same time, da Judah army guys catch ten tousan guys dat still stay alive an make um prisonas. Dey take dem up on top one cliff an throw um down fo dem all mahke on top da rocks.

Songs 37:14

Da bad guys, dey pull out dea sword An make ready dea bows an arrows Fo kill da guys dat suffa plenny, An da guys dat no mo notting. Da bad guys like kill da peopo dat live da right way.

Census 15:35

Den Da One In Charge tell Moses, “Da guy gotta mahke. All da peopo gotta throw stone at um, fo kill um outside da camp.”

Luke 4:28

All da peopo inside da Jew church come real huhu wen dey hear him talk good bout da foreigna guys.

John 8:37

“I know fo shua you guys come from Abraham. But still yet, you guys stay trying fo kill me, cuz you guys no like take da stuff I stay teach.

John 8:40

But now you guys stay try fo kill me, no matta I erytime tell you guys da trut, jalike I wen hear um from my Faddah. Abraham, he neva make jalike you guys!

John 8:59

Den dem guys go get rocks fo stone Jesus fo kill um. But he hide an go outside from da open lanai fo da Temple.

Hebrews 13:12

Same ting wit Jesus. Was outside da Jerusalem gate dat he suffa, fo make his peopo come spesho fo God, cuz he wen bleed an mahke.