Luke 3:9 - Hawaii Pidgin Bible

⁹ You guys gotta do good kine stuff! Cuz jalike awready get one guy wit one ax, all ready fo cut da tree roots. All da trees dat no make good fruit, he goin cut um down, an throw um inside da fire.”

Luke 3:9 Iomraidhean Croise

Ezekiel 31:18

“ ‘Eh! Pharaoh King! Fo shua no mo anodda tree inside Eden mo awesome den you! But you know wat? Goin get armies bring you down too jalike da Eden trees fo go undaneat da groun. You goin lay dea wit da peopos dat no mo da mark fo show dat dey God peopo, an wit da ones get kill wit swords. All dis jalike one picha bout you, King Pharaoh! You da one dat make tantaran! Dat big tree, az you, you know!’ Az wat me Da One In Charge, da Boss, tell.”

Daniel 4:14

Da angel guy yell loud, “Cut down da tree! Chop off da branches! Pull off da leafs! Make da fruits go all ova da place! Make da animals run away from unda da tree! Make da birds fly off da branches!

Daniel 4:23

“Den, King Nebukadnezzar, you wen see one angel messenja guy dat stay spesho fo God come down from da sky. He tell, ‘Cut down da tree an broke um up! Leave da stump an da roots inside da groun. Tie da stump wit iron an bronze strap an let um stay dea inside da grass field. Let him come wet wit da dew from da sky. Let him live jalike da wild animals till seven year pass!’

Matthew 3:10

Awready get one guy wit one ax, all ready fo cut da tree roots. All da trees dat no make good fruit, he goin cut um, an throw um inside da fire.

Matthew 7:19

All da trees dat no give good kine fruit, dey cut um down an throw um on top da fire.

Luke 13:6

Jesus tell um dis story fo teach um. “Had one guy dat get one fig tree dat stay grow inside his grape field. He go fo look if get fruit on um, but no mo fruit.

Luke 13:7

So he tell da worka guy dat take kea da field, ‘Three year now I stay come fo look if get fruit on dis fig tree, an no mo fig! Cut um down, fo no use up da dirt!’

Luke 13:9

If da tree give fruit nex year, dass good! If no give fruit, den cut um down!’ ”

John 15:6

Whoeva no stay tight wit me, dey jalike one branch dat no stay good. Dass da kine branch peopo throw out, an da branch dry up. Den dey go get all da odda dry branches, an throw um inside da fire fo burn.

Hebrews 10:28

Befo time, if get one guy dat no like lissen da Rules dat Moses wen write down inside da Bible, an two o three guys wen tell da same ting bout da bad kine ting da guy wen do, den gotta kill da guy. No mo anodda chance fo him.

Hebrews 12:29

You know, jalike da Bible tell, “Oua God, he jalike one fire dat burn up eryting.”