Luke 23:25 - Hawaii Pidgin Bible

²⁵ He let Barabbas go, da guy dey pick, dat wen make da peopo beef da govmen an kill one guy. An he give Jesus to dem fo dem do wat dey like do to him.

Luke 23:25 Iomraidhean Croise

Esther 3:11

Da king tell Haman, “No worry bout da money, an do wat you like to dose peopo.”

Matthew 27:26

Den Pilate tell da army guys, “Let Barabbas go. Whip Jesus. Den kill um on top one cross.”

Mark 15:15

Pilate like make da peopo stay good inside. Az why he let Barabbas go fo dem. He tell da army guys fo whip Jesus an den kill him on top one cross.

Luke 23:2

Dey poin finga Jesus an tell, “Dis guy stay bulai oua peopo! He stay teach dem bad kine stuff. He tell dem no pay tax to King Cesar! He tell dat he da Christ Guy, da Spesho Guy God Wen Sen, an dat he one king.”

Luke 23:24

So Pilate tell dat Jesus gotta mahke, jalike da peopo tell um fo do.

Luke 23:26

Den dey take Jesus away. One guy name Simon from Cyrene stay come from da countryside. Da army guys grab him, put da cross on top him, an make him carry um behind Jesus.

Luke 23:5

But dey tell mo strong, “All ova Judea da peopo like beef cuz a da stuff he stay teach. He wen start Galilee side. Now, he stay come all da way ova hea.”

John 18:40

Dey all yell an tell, “Not dis guy! Us like Barabbas!” But Barabbas, he one mean crook.

John 19:16

Den Pilate turn ova Jesus fo da army guys kill um on top one cross. So da army guys take charge a Jesus.

Jesus Guys 3:14

You guys wen turn ova to Pilate da Good An Spesho One From God dat erytime do da right ting, an den you tell you like Pilate fo turn ova one killa guy to you guys.

1 Samuel 12:13

So, look! Dis da king you guys wen pick, da one you guys aks fo. Look! Da One In Charge wen awready put one king ova you guys.