Luke 23:22 - Hawaii Pidgin Bible

²² One mo time he tell dem, “How come? Wat kine crime dis guy wen do? I no find notting dat tell he gotta mahke. Az why I goin tell my army guys fo whip him an let um go.”

Luke 23:22 Iomraidhean Croise

Luke 23:14

He tell um, “You guys wen bring dis guy by me, an you tell he stay try fo make da peopo beef us Rome guys. I wen aks him plenny stuff in front you, an I no find notting wrong da way you guys stay tell, fo poin finga him.

Luke 23:16

Az why I goin tell my army guys fo whip um an let um go.”

Luke 23:20

Pilate like let Jesus go, so he go aks da peopo one mo time.

Luke 23:21

But dey stay yelling, “Kill da buggah on top one cross! Kill da buggah on top one cross!”

Luke 23:23

But dey stay yell da top a dea lungs, fo presha Pilate an make um kill Jesus on top one cross, an dey win.

Luke 23:4

Den Pilate tell da Main Pries guys an all da peopo, “I no find notting bad dat dis guy wen do.”

1 Peter 1:19

He wen pay fo you guys wit his blood! Dat cost mo plenny den eryting! He wen mahke, jalike one good kine bebe sheep dat no mo notting wrong wit um an dey kill um fo da sacrifice.

1 Peter 3:18

You know, Christ wen mahke ony one time cuz erybody stay do bad kine stuff. He erytime do da right ting, but den he wen mahke fo all da peopo dat stay do bad kine tings. He wen mahke fo you guys come nea God. Christ get one body jalike us, an peopo wen kill him, an God Spirit wen make him come alive one mo time.