Luke 22:40 - Hawaii Pidgin Bible

⁴⁰ Wen dey come dea, he tell um, “Go aks God fo help you guys fo no do bad kine stuff wen get chance.”

Luke 22:40 Iomraidhean Croise

1 Records 4:10

One time, Jabez go pray to da God fo da Israel peopo. Dis wat he tell: “Eh God, I like you make um fo me do fo real kine Wat you wen make me fo do! I like you make plenny room fo me, An use yoa powa fo help me, An take kea me so notting bad happen, So den I no need hurt!” An God, he make tings happen jalike Jabez wen tell him fo do.

Songs 119:133

Make shua wen I walk, I no fall down, Jalike you wen make One promise fo do. No let da bad kine peopo take ova me.

Songs 17:5

Ery place I go, I go jalike how you like me fo go. No way I goin trip an fall down.

Songs 19:13

An do dis too, God, cuz I yoa worka guy! No let me do any kine bad kine stuff, Da kine stuff I know stay bad befo I do um! No let da bad kine stuff take ova me. If you do dat, den I goin be okay, An you no need poin finga me, Cuz I no goin go agains you big time.

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Luke 11:4

Let us go, an hemo oua shame Fo all da bad kine stuff we do to you, Jalike us guys let da odda guy go, An us no stay huhu wit dem Fo da bad kine stuff dey do to us. Show us how fo no do bad kine stuff Wen somebody give us chance fo do um.’ ”

Luke 22:46

He tell dem, “How come you guys stay sleeping? Get up an tell God fo help you guys no do bad kine stuff wen get chance.”

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

Jesus Show 3:10

You guys wen do wat I tell you fo do, an hang in dea an no give up. Az why I goin take kea you guys wen da big presha come, da kine presha dass goin come on top da whole world fo check out erybody dat stay down hea.’