Luke 21:25 - Hawaii Pidgin Bible

²⁵ “Goin get awesome stuff fo see up inside da sky, wit da sun, da moon, an da stars. All ova da world, da peopos from inside da diffren countries goin suffa plenny. Dey goin come all bum out, jalike peopo feel wen da ocean poun loud an da waves come real high.

Luke 21:25 Iomraidhean Croise

Songs 46:3

Da watta inside da ocean Goin make big noise An goin get plenny spray! Da mountains goin shake Cuz da waves come real big! (Time out fo da music.)

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Isaiah 17:12

Bummahs! Plenny army guys stay make big noise Jalike da noise wen da rough ocean stay poun. Da armies from da diffren countries stay make noise, Jalike wen da watta stay come down from da mountain An no can stop um.

Isaiah 24:23

“Den da bright moon no need shine Cuz no need da light. An da hot sun no need shine Cuz no need um fo stay warm. Az cuz dat time, Da One In Charge, Da God Ova All Da Armies, He goin be da king On top Zion hill wea da Temple stay Inside Jerusalem town. In front da older guys dat lead his peopo He goin show how awesome he stay.”

Isaiah 5:30

“Dat time, wen da army guys come dis land, Dey goin make big noise Jalike wen da ocean stay poun. If anybody go look da land, Dey goin see dat eryting stay dark An erybody get big trouble. Even da day time goin come dark cuz a da clouds.”

Isaiah 51:15

Cuz me Da One In Charge, yoa God, I make da ocean come rough So da waves make big noise. Me, Da One In Charge, Da God Ova All Da Armies. Dass who me.

Jeremiah 4:23

Jeremiah tell, “I look da earth, jalike az one dream. No mo shape. No mo notting dea! I look da sky. No mo light up dea!

Daniel 12:1

Da angel messenja guy tell me dis: “Dat time, Michael, da importan angel prince, da one dat take kea yoa peopo, he goin go by you guys fo take kea you. Goin get one time yoa peopo all presha out, mo den da time yoa peopo wen come one nation firs time, till dat time. But dass da time wen yoa peopo, da ones dat get dea name inside God book, goin get outa trouble.

Micah 7:4

Even da bestes kine guy dea, He jalike one bush wit thorns all ova um. Da guy wit dem dat do da mos right kine stuff, He still mo worse den one plant wit thorns! “Dis, da time yoa guys dat watch fo messages from God Wen talk bout awready. Az time awready fo God punish you guys. Now erybody stay all mix up.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Matthew 27:45

Noon time get real dark all ova da place fo three hour.

Mark 13:24

“Right afta dat time fo suffa, Da sun goin come black. Da moon no goin shine.

Mark 13:26

“I da Fo Real Kine Guy. Dat time, da peopo goin see me come inside da clouds wit all kine powa, an I goin be awesome!

Mark 15:33

Noon time get real dark all ova da place, fo three hour.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Luke 21:26

Da peopo goin pass out cuz dey so sked. Dey sked cuz dey donno wat goin happen inside da world. Da big powas inside da sky jalike da stars goin get shake up.

Jesus Guys 2:19

I goin show awesome stuff up dea in da sky, An down hea on top da earth Goin get blood an fire An big kine smoke clouds.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.