Luke 21:11 - Hawaii Pidgin Bible

¹¹ Da groun goin shake. No goin get food, an all ova da place da peopo no goin get notting fo eat. Plenny peopo goin get real sick an mahke. Real bad an awesome stuff goin come dat goin make plenny peopo come real sked. Unreal stuff from da sky goin come.

Luke 21:11 Iomraidhean Croise

Job 41:9

If you tell, ‘I stay shua I goin win ova him,’ dat show you bulai! If you even look at him, you goin come bum out!

Isaiah 29:6

From me, Da One In Charge, Da God Ova All Da Armies, Goin come time fo make eryting come good. Goin get thunda, An da groun goin shake, an get big noise. Goin get strong wind, an storm, An fire dat goin wipe out eryting.

Joel 2:30

I goin show awesome kine stuff up in da sky, An down hea on top da earth. Goin get blood an fire an big kine smoke clouds.

Matthew 24:7

Goin get fighting. One country goin start fo fight anodda country. One king goin fight anodda king. Plenny peopo no goin get notting fo eat. Plenny diffren places, da groun goin shake hard plenny.

Luke 21:10

He tell, “Countries goin fight each odda. Kings goin fight each odda.

Luke 21:12

“Befo all dat stuff happen, peopo goin grab you guys an make you suffa. Dey goin turn you guys ova to da Jew churches an throw you guys inside jail. Dey goin bring you guys in front kings an govnas. Dey goin do all dat cuz you my guys.