Luke 21:10 - Hawaii Pidgin Bible

¹⁰ He tell, “Countries goin fight each odda. Kings goin fight each odda.

Luke 21:10 Iomraidhean Croise

Isaiah 19:2

God tell: “I goin make da Egypt peopo go agains each odda. One braddah goin fight his braddah. One guy goin fight his frenz. Da peopo inside one big town goin fight Da peopo inside anodda big town. One king guys goin fight anodda king guys.

Zekariah 14:13

Dat time, Da One In Charge goin make dose peopo come real mix up, an dey goin go attack each odda.

Mark 13:8

One country goin fight anodda country. One king goin fight anodda king. Plenny diffren places, da groun goin shake hard plenny. Plenny peopo goin get notting fo eat. Dey goin suffa plenny, but all dat ony fo start.

Luke 21:11

Da groun goin shake. No goin get food, an all ova da place da peopo no goin get notting fo eat. Plenny peopo goin get real sick an mahke. Real bad an awesome stuff goin come dat goin make plenny peopo come real sked. Unreal stuff from da sky goin come.

Luke 21:9

You guys goin hear, ‘Dey fighting an get war all ova da place.’ No come bum out. All dat kine stuff gotta happen, but dat no mean eryting goin come pau yet.”

Jesus Guys 11:28

One a dem guys name Agabus stan up an God Spirit tell um fo tell, “Goin get hard time all ova, wea eva da Rome peopo stay in charge. No goin get food notting.” (An dat happen layta wen Claudius stay da big king.)

Hebrews 12:27

Wen God tell, “One mo time,” he mean, da stuff God make befo time, he goin shake um, an den he goin take um away. Den da stuff dat no shake, ony dat stuff goin stay foeva.