Luke 20:47 - Hawaii Pidgin Bible

⁴⁷ But dey no shame fo rip off da widows an take away dea house. Same time dey make one big show an pray long time, ony fo make peopo tink dey do good kine stuff fo dem. Dese kine peopo, dey goin get it mo worse from God da Judge wen da time come!”

Luke 20:47 Iomraidhean Croise

Isaiah 10:2

Dey make da peopo dat no mo notting Fo no get help from da judge. Dey take away da rights From my peopo wen dey get hard time. Dey steal stuffs from da widows An da kids dat no mo faddah o muddah.

Ezekiel 22:7

Da peopo in yoa town no mo respeck fo dea faddahs an muddahs. Dey put presha on top da peopo from anodda place. Dey do bad tings to da peopo dat no mo faddah o muddah, an to da wahines dat no mo husban.

Ezekiel 33:31

My peopo come yoa house an go inside. Dey sit down in front you an hear wat you tell. But dey no do wat you tell! Dey ony talk bout sex, an inside dem dey like rip off peopo fo get eryting fo ony dem.

Amos 2:7

Da guy dat not strong, You Israel peopo push his face inside da dirt. Da guys dat get presha on top dem, You Israel peopo ack jalike dey no mo rights. Da faddah an his boy, dey go sleep wit da same girl. Cuz a all dat, peopo talk bad bout me, An I da One dass good an spesho, you know!

Micah 2:2

Dey fo real kine like grab odda peopo fields fo ony dem, An steal dea houses. Dey put presha on peopo an scam um, Den dey take away dea house an dea property.”

Micah 2:8

But right now, my peopo go agains me. You guys rip off da rich kine clotheses From da peopo dat come by hea an no mo worry. Jalike wen guys come home from fight one war.

Micah 3:2

But you guys, you hate da good kine stuff, But get love fo da bad kine stuff! You guys pull da skin off my peopo An take da meat off dea bones!

Matthew 23:13

Den Jesus tell, “Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys shut da door so da peopo no can get God in da sky fo dea King. But you guys no like get him fo yoa King too. An you guys no let da peopo dat like get God fo dea king, get um.

Matthew 23:14

“Wassamatta you guys?! You teacha guys dat teach da Rules From God an you Pharisee guys, you guys goin get it! You guys tell one ting an do anodda. You guys no mo shame fo trick da widows an take away dea house, an same time you guys stay pray an stay tell plenny stuff, so nobody tink you guys stay rip off da widows. God goin punish you guys mo den da odda guys.

Mark 12:40

Dey no mo shame fo trick da widows an take away dea house, an same time dey pray an tell plenny stuff, so nobody figga dey stay rip off da widows. God goin punish dem mo den da odda peopo.”

Luke 12:1

Bumbye uku plenny peopo come togedda, so plenny dat dey even step on top each odda. Jesus start fo talk to his guys firs. He tell, “Watch out fo da Pharisee guys, cuz dey teach one ting an do anodda. So make shua you no come jalike dem. Dey jalike da yeast fo make bread—ony need litto bit yeast fo change da whole bread.

Luke 20:46

“Watch out fo da teacha guys dat teach da Rules From God. Dey like go aroun an wear fancy kine religious kine clotheses. Dey like da peopo fo talk to dem wit respeck inside da open market. Dey like sit in da main place inside da Jew churches, an da main place at da luaus.

Luke 21:1

Jesus look up an spock da rich guys putting dea money inside da money box inside da Temple.

1 Tessalonika 2:5

You guys know dat we neva eva talk real nice kine fo bulai peopo! Get peopo dat ack jalike dey not greedy, but dey greedy. But us guys, we not like dem. God know dass true!

Titus 1:16

Dey stan up in front erybody an tell, “God, I know him!” But den, dey turn aroun an ack jalike dey donno him. Nobody like stay wit dat kine peopo. Dey no lissen. Dey donno how fo do wass good.

James 3:1

Eh, my braddahs an sistahs! You guys tink you like teach, aah? Kay den, but you know, not erybody suppose to teach. Cuz God goin judge all us teacha guys mo hard den he goin judge all da odda peopo.