Luke 20:36 - Hawaii Pidgin Bible

³⁶ Dat time dey no can mahke, but dey goin stay jalike da angel guys. Cuz dey God kids, an dey goin come back alive.

Luke 20:36 Iomraidhean Croise

Isaiah 25:8

Da One In Charge a me stay make peopo So dey no goin mahke no moa, eva. Dey all stay cry now, But he goin wipe off da tears from dea face. Da peopo dat get Da One In Charge fo dea God, Dey all shame now, all ova da world. But he goin take away all dat shame. Dass wat Da One In Charge tell.

Hosea 13:14

You tink I goin pay da price fo dem So da Mahke Peopo Place no mo powa ova dem? No ways! You tink I goin pay fo dem no mahke? Not even! Az da real bad kine sick goin make dem mahke! Da Mahke Peopo Place goin wipe dem out! No way I goin show dem pity!

Zekariah 3:7

“Dis wat Da One In Charge, Da God Ova All Da Armies, tell: ‘If you do wat I tell you fo do, an stick wit my rules, den you goin stay in charge a my house an my open lanais. I goin let you walk wit dese guys dat stay stan hea.

Matthew 22:30

Wen da guys dat mahke come back alive one mo time, dey goin be jalike da angel messenja guys in da sky. Dat time, dey no marry.

Mark 12:25

Wen da peopo dat mahke come back alive one mo time, dat time dey no goin marry. Dey goin be jalike da angel messenja guys inside da sky.

Rome 8:16

Inside we know us God kids. An God Spirit tell us guys da same ting too,

1 Corint 15:26

An get anodda ting dat stay agains us guys—us gotta mahke. Dass da las ting God goin wipe out. Den from dat time, nobody goin mahke.

1 Corint 15:42

Wen da mahke guys come back alive, same ting goin happen jalike wit da seed, aah? Dey put da guy body inside da groun an da body come rotten. But wen da guy come back alive, he no goin mahke eva!

1 Corint 15:49

Us guys, right now we look jalike da Adam guy dat God wen make from da dus. Bumbye, us goin come jalike da Christ Guy dat come from da sky, too.

Philippi 3:21

He goin make oua bodies come real diffren, no matta dey stay kinda junk right now. Christ, his body wen come real awesome, an he goin make oua bodies come awesome jalike how Christ body stay awesome. He do dat cuz he get da powa fo take ova eryting.

Jesus Show 20:6

Da peopo dat God bring back alive one mo time da firs time, dey all out fo God, an dey stay good inside. Dey no goin mahke da secon time. Dey goin work fo God an God Spesho Guy Christ. Dey goin be jalike pries guys, an dey goin be kings an queens wit him one tousan year.

Jesus Show 21:4

God goin wipe away all da tears from dea eye. Nobody goin mahke no moa. Nobody goin stay sad inside, O cry, o suffa, Cuz da way tings wen happen befo time, All dat goin come pau!”

Jesus Show 22:9

But he tell me, “Nah! No do dat! I ony one worka guy jalike you an yoa braddahs dat talk fo God, an erybody dat stick wit wat dis book tell. Mo betta, ony show love an respeck to God!”