Luke 2:4 - Hawaii Pidgin Bible

⁴ So Joseph go from Nazaret town Galilee side, to Betlehem Judea side. Az King David town, cuz he come from King David ohana.

Luke 2:4 Iomraidhean Croise

Start 35:19

Rachel mahke an dey bury her nea da road dat go by Efratah town, dass Betlehem.

Start 48:7

Dat time I stay come back from Paddan-Aram, yoa muddah Rachel wen mahke inside da Canaan land nea Efrat. I wen come sore inside, an I wen bury her ova dea on da side by da Efrat road.” (Efrat, dass da ol name fo Betlehem, you know.)

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Matthew 1:20

But wen he stay figga lidat, right den an dea, wen he stay dreaming, one angel messenja guy from Da One In Charge come by him. Da angel guy tell, “Eh Joseph! You from King David ohana. No sked take Mary fo come yoa wife, cuz she hapai from God Spirit dat stay good an spesho.

Matthew 2:23

an make house Nazaret town. Dis happen jalike da guys dat talk fo God long time befo time wen tell, “Dey goin call him ‘da Nazaret guy.’ ”

Luke 2:3

Erybody go back da town dea ohana come from fo sign up.

Luke 2:5

He go ova dea fo sign up wit Mary, da wahine da ohana wen promise fo marry him. She stay hapai.

Luke 4:16

Jesus go Nazaret town, wea he grow up small kid time. Wen da Res Day come, he go inside da Jew church, jalike he erytime go. He stan up fo read da Bible.

John 1:46

Natanael tell, “Nah! No mo notting good come from Nazaret!” Philip tell, “Go come check um out!”

John 7:42

Da Bible tell dat da Christ Guy goin come from King David ancesta guys, an goin come from Betlehem, wea King David wen live, aah?”

Ruth 1:19

So da two wahines go togedda Betlehem town. Wen dey come dea, erybody inside da town start fo talk plenny bout dem. Da wahines, dey tell, “Fo real, dis Naomi, o wat?!”

Ruth 2:4

Same time Ruth stay pick up da extra barley, Boaz come ova dea from Betlehem town. He tell da guys dat stay harves da barley, “Aloha! I like Da One In Charge stay wit you guys!” Dey tell Boaz, “Aloha to you! Us guys like Da One In Charge do plenny good tings fo you too!”

Ruth 4:11

Da older leada guys fo da town, an all da peopo dat stay by da main gate wea da peopo stay come togedda, dey tell, “Dass right! All us guys see wat happen, an we gotta tell erybody. “Dis wahine dat goin come inside yoa house, Us like Da One In Charge make her come Jalike da wahines Rachel an Leah, Da two wahines all us Israel peopo come from! An you, Ruth, come rich wit da Efratah ohana, So erybody know who you, Betlehem town!

Ruth 4:17

Da neighba wahines tell, “Now Naomi get one grankid!” An dey give him da name Obed. Obed, layta he come Jesse faddah an King David granfaddah.

1 Samuel 16:1

Da One In Charge tell Samuel, “You goin stay sad inside all da time cuz a Saul, o wat?! I tell ‘Laytas’ to him fo no be da king fo da Israel peopo no moa. Fill up yoa cow horn bottle wit olive oil, an go; I goin sen you by Jesse, da Betlehem guy. I wen awready pick one a his boys fo come da nex king fo me.”

1 Samuel 16:4

So Samuel do wat Da One In Charge tell. Wen he come Betlehem, da older leadas fo da town go meet him. But dey stay sked an shaking. Dey aks, “How come you hea? Eryting stay good, o wat?”

1 Samuel 17:12

David, he Jesse boy. Jesse, from Efratah (dass da ol name fo Betlehem town inside Judah, you know). Jesse get eight boys. He real ol wen Saul stay king.

1 Samuel 17:58

Saul aks David, “My boy, who yoa faddah?” David tell, “Jesse from Betlehem, he my faddah, an you da boss fo him.”

1 Samuel 20:6

If yoa faddah look fo me an see dat I no stay, tell um, ‘David wen aks me fo let him go fo him run quick Betlehem side, da town wea his ohana stay. Cuz dey goin make one sacrifice ova dea dat dey make ery year fo all his ohana.’