Luke 2:34 - Hawaii Pidgin Bible

³⁴ Simeon tell God fo do good tings fo dem too. He tell Jesus muddah Mary, “God wen sen dis boy, an plenny Israel peopo goin jam up cuz a him. But plenny odda Israel peopo, dey goin come good cuz a him. He goin be jalike one sign dat tell peopo fo watch out. Plenny peopo no goin like dat, an dey goin grumble bout him.

Luke 2:34 Iomraidhean Croise

Start 14:19

Melkizedek tell God, “You, da God Dass Mo Importan Den All Da Odda Gods! I like fo you do plenny good tings fo Abram. Cuz you da One dat wen make da sky an da world.

Start 47:7

Den Joseph bring his faddah Jacob fo meet da Pharaoh guy. Jacob tell Pharaoh, “I like God do good tings fo you!”

Outa Egypt 39:43

Moses check um out an see dat dey all pau da tings dey gotta do, jalike Da One In Charge wen tell um fo do. So Moses aks God fo do plenny good tings fo da peopo.

Isaiah 8:18

Look—I stay right hea wit da kids Da One In Charge wen give me. We jalike awesome kine signs inside Israel. Even oua names show Wat Da One In Charge, Da God Ova All Da Armies, goin do bumbye. He da One stay on top Mount Zion inside Jerusalem.

Hosea 14:9

Erybody dat know wat fo do erytime, An know wass good an wass bad, Dey goin know an undastan All dis stuff I wen write. Cuz Da One In Charge erytime go da right way, An da peopo dat do wass right, Dey go da same way. But da peopo dat go agains Da One In Charge, Dey trip an fall down wen dey try fo go Da way God like um fo go.

Matthew 11:19

But try go figga dis: Me, I da Fo Real Kine Guy. I eat, I drink, an dey tell, ‘You know wat? Dis guy erytime stay eating an drinking! He frenz wit da guys dat colleck tax money fo da govmen, an da odda kine peopo dat get one bad rep jalike dem.’ But eh! you know wat? Da guy dat get da smarts from God, da tings he do, goin show proof dat he right.”

Matthew 12:46

Wen Jesus stay talk to da peopo, had his muddah an braddah guys ova dea too stay standing outside. Dey like talk to him.

Matthew 21:44

[Me, da main stone. Da guy dat trip an fall down on top dis stone, da stone goin broke him in small pieces. If dis stone fall down on top one guy, da stone goin make him jalike dus.]”

Matthew 27:63

Dey tell, “Eh Govna, us guys no foget, wen dat fake guy still alive, he tell, ‘Afta three days I goin come back alive one mo time.’

Luke 2:35

Dat goin show wat plenny peopo tink. An you too, Mary, you goin come sore inside, jalike one sword goin go thru yoa heart.”

John 3:20

Erybody dat stay do bad kine stuff hate da light, an no like let da light shine on top dem. Cuz dey no like nobody know bout da bad kine stuff dey stay do.

John 5:18

Dass why da Jew leada guys try mo hard fo find Jesus an kill um, cuz he broke da Rules bout da Res Day. An even mo worse, he tell dat God his Faddah. Dat mean he make jalike he God.

Jesus Guys 13:45

Wen da Jew guys see all da peopo dass not Jews, dey come jealous, an talk bad bout da stuff Paul tell.

Jesus Guys 17:6

But dey no can find um. Az why dey drag Jason an some odda braddahs in front da town leadas. Dey yell, “Dese guys make big trouble all ova da whole world an now dey come ova hea.

Jesus Guys 24:5

We know dat dis guy stay make trouble. He stay make da Jew guys like beef all ova da world. He da leada fo da peopo dat stay tight wit Jesus from Nazaret.

Jesus Guys 28:22

But we like lissen wat you tell. We know dat da peopo all ova da place stay grumble bout dis kine stuff you teach.”

Jesus Guys 4:26

Da king guys from all ova da world stan up, An dea leadas come togedda fo fight Da One In Charge An go agains da Spesho Guy He Wen Sen.’

Jesus Guys 6:7

Jesus guys go aroun an tell da peopo wat God tell. So had mo an mo peopo inside Jerusalem dat trus God an stay tight wit Jesus guys. An plenny pries guys trus da Good Stuff From God an do wat God tell um fo do.

Rome 9:32

How come stay lidis? Dey neva get um right wit God cuz dey ony try get um right wit God by da stuff dey do. Dey neva trus God. Da Bible talk bout one “rock dat make peopo trip ova an fall down.” Dis wat Isaiah tell inside da Bible: “Eh! Right hea inside Zion Town, I goin put one Guy. He goin be jalike one rock Dat goin make peopo trip ova an fall down. But whoeva trus dat Guy, Dey no need come shame.” An az da Israel peopo wen trip ova dat rock an fall down!

1 Corint 1:23

But us guys dat tell da Good Stuff Bout God, dis wat we tell. We stay tell peopo all ova da place how God wen sen dis Spesho Guy Christ ova hea. We tell how odda guys wen hang um on top one cross fo kill um. Da Jew guys hear all dat, but dey no can handle, cuz dey tink God Spesho Guy no goin mahke fo shua. An da Greek peopo, wen dey hear um, dey tink, “Stupid!”

Hebrews 7:1

Wen Melkizedek was king fo Salem town, same time he was da pries fo da Mos Importan God. “Melkizedek,” dass mean, “Da King Dat Erytime Do Da Right Ting,” an he da King fo Salem, dass mean, “Da King Dat Help Da Peopo Stay Good Wit Each Odda.” Nobody know who his faddah guy o his muddah guy, o his ancesta guys. Nobody know wen he born o wen he mahke. He jalike one picha a God Boy, cuz he stay one pries guy, jalike Jesus stay one pries guy foeva. One time, had some kings an dea army guys dat wen go rip off plenny stuff from da peopo dat live nea Abraham. Abraham dem go fight an win ova dose kings an dea army guys. Dey take back all dea stuffs. Den wen Abraham stay coming back, Melkizedek go out from Salem town fo meet him. An dass wen Melkizedek tell Abraham, “Eh! God goin do plenny good kine tings fo you.” An Abraham give Melkizedek ten percent a all da stuffs he take back cuz Melkizedek one pries guy.

Hebrews 7:7

Wen get somebody talk lidat, erybody know he gotta be da mo importan guy fo tell dat kine tings to da guy dass not so importan.

1 Peter 4:14

Wen somebody talk any kine to you cuz you Christ guys, you can stay good inside, cuz God awesome Spesho Spirit stay inside you.

1 Samuel 2:20

An ery year, befo dey go home, Eli like make one spesho ceremony fo Elkanah an his wife Hannah. He tell, “Hannah wen pray fo one bebe an she get um. Den she give da boy Samuel to Da One In Charge. An dass why Samuel no stay wit you guys now. So! I like Da One In Charge give you odda kids.”