Luke 19:41 - Hawaii Pidgin Bible

⁴¹ Jesus come nea Jerusalem an look da town, an he cry.

Luke 19:41 Iomraidhean Croise

2 Kings 8:11

Den Elisha jus stan dea in front Hazael an eye him up long time, till bodda Hazael. Den Elisha, da guy dat stay tight wit God, start fo cry.

Songs 119:136

I cry real plenny, Jalike get ditch watta Stay come outa my eyes. Cuz get peopo dat no do Wat yoa Rules tell.

Songs 119:158

Get peopo dat tell, dey my frenz, But dey ony tell dat fo bulai me, An dey no like do Notting you like teach um. Piss me off plenny, dat!

Songs 119:53

I stay plenny piss off Cuz a da peopo dat stay do wass wrong, An dat no stay tight wit da Rules you wen give.

Isaiah 22:4

Dass why I tell dis, “Go way! No look at me! Let me cry hard! No try make me feel good inside Cuz dey wipe out my peopo! My peopo, dey jalike one wahine, Gone awready, eryting dey get.

Isaiah 28:21

Da One In Charge goin start fo do tings fo you guys, Jalike da time da Israel peopo wen fight da Filisha guys, Mount Perazim side. Da One In Charge Goin come real huhu an bus up peopo, Jalike da time dey wen fight da Amor peopo, Gibeon Valley. He goin do watevas he like do, No matta wat he stay do Goin make da peopo drop dea jaws, No matta nobody wen see him make lidat befo time.

Jeremiah 13:17

But if you no lissen wat I tell, I goin go hide an cry, Cuz you guys ack high makamaka. I goin cry real hard wit plenny tears, Cuz da peopo a Da One In Charge all goin come prisonas.

Jeremiah 17:16

“But me, I neva bag from yoa sheeps Fo take kea dem. I neva like see da time come Wen nobody can handle wat you do to dem. An you, you know dat eryting I tell, I tell um in front you.

Jeremiah 9:1

I like my head come jalike one spring fo watta, An my eyes jalike one fountain fo my tears come out! Cuz I like cry plenny, day time an nite time, Cuz plenny peopo get kill, an dey my peopo.

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Luke 19:42

He tell, “You guys inside Jerusalem, if ony you guys wen know today wat can make you guys so notting bodda you—but now you guys no undastan.

John 11:35

Jesus cry.