Luke 16:3 - Hawaii Pidgin Bible

³ “Da luna figga, ‘Wat I goin do now? My boss goin fire me, an I not strong enuff fo dig ditch, an I shame fo beg.

Luke 16:3 Iomraidhean Croise

Esther 6:6

Wen Haman come inside, da king aks him, “Wat I goin do fo one guy, wen I fo real kine like show respeck fo him?” Haman tink, “Fo shua, az me he talking bout, cuz no mo nobody da king get mo respeck fo den me!”

Smart Guys 13:4

Da lazy buggahs ony tink bout how fo get stuff, But dey no get notting. Da peopo dat work hard, Dey get da bestes kine stuff.

Smart Guys 15:19

Da lazy buggah, eryting he do, Jalike get keawe thorn. Da guy dat do da right ting all da time, Eryting he do, stay easy.

Smart Guys 18:9

Anybody stay lazy Wen he gotta do da work he suppose to do, He jalike one braddah To da guys dat go aroun bus up eryting.

Smart Guys 19:15

Da lazy buggahs, dey ony like sleep plenny, Az why dey no mo notting fo eat.

Smart Guys 20:4

Da lazy kine guy Dat no make ready his land Wen time fo plant food, Wen time fo harves da stuff dat grow, He goin look, but he no goin find notting.

Smart Guys 29:21

If one young guy work fo you, An you make um real easy fo him do wateva he like, Bumbye he goin give you attitude.

Isaiah 10:3

But wat you guys goin do Wen da time come fo God punish you guys? Wen da army guys from far away Wipe you guys out jalike one storm? Wat peopo you guys goin run to Fo dem help you guys? Wea you guys goin leave all yoa rich stuffs Wen you run away?

Jeremiah 5:31

Da guys dat tell dey talk fo God, Wateva dey tell, dey bulai. Da pries guys make da kine rules dey like. An my peopo like fo eryting stay lidat. But how you guys goin handle Wat goin happen cuz a dat, aah?”

Hosea 9:5

Egypt side an Assyria side, wat you guys goin do Wen you suppose to make da spesho religious ceremonies? Da times dat stay spesho fo Da One In Charge?

Matthew 20:8

“Wen da sun go down, da grape farm owna guy tell da luna, ‘Tell da worka guys fo come, an pay um dea money. Start wit da las guys, all da way to da firs guys.’

Mark 10:46

Dey go Jericho town. Wen dey go away from da town, get plenny peopo wit dem. Bartimeus, one blind guy, stay sit by da road side an beg. He Timeus boy.

Luke 12:17

He tink, ‘Wat I goin do? I no mo place fo store my wheat an odda stuffs.

Luke 16:2

So da rich guy tell da luna fo come by him, an he tell, ‘Eh, wat dis I hear bout you? You betta show proof how you wen spen my money, cuz you no goin be in charge no moa.’

Luke 16:20

Had one begga guy Lazarus dat get sores all ova him. Ery day his frenz put him down by da rich guy gate.

Luke 16:22

“Bumbye da begga guy mahke an da angel guys carry him to da mos importan place nex to Abraham. An da rich guy mahke too, an dey bury him.

Luke 16:4

I know wat I goin do. Wen I no mo job ova hea, da peopo goin tell me come dea house.’

Luke 18:4

Long time da judge neva like do notting. Den in da end he figga, ‘No matta I no sked God an I no mo respeck fo da peopo,

John 9:8

So da peopo dat live nea da guy, an da oddas dat see him beg befo time, dey tell, “Eh, dis da guy dat stay sit an beg befo time, aah?”

Jesus Guys 3:2

Had one guy ova dea dat no can walk from da time he born. Some guys carry him by da Temple gate ery day. Dass da gate get da name “Beautiful.” Dey put him dea fo him beg fo money from da peopo dat go inside da open lanai fo da Temple.

Jesus Guys 9:6

Now stan up an go inside da town, an somebody goin tell you wat you gotta do.”

2 Tessalonika 3:11

We stay tell you guys all dis, cuz we hear dat get some peopo ova dea by you dat no do notting. Dey no work, but dey ony go holoholo an dey niele bout odda peopo stuffs.