Luke 15:30 - Hawaii Pidgin Bible

³⁰ But dis guy, yoa boy, he wase awready all da money from yoa land fo pay da hoaz. An wen he come home, right den an dea you kill da bestes young cow fo him. An den!’

Luke 15:30 Iomraidhean Croise

Outa Egypt 32:11

But Moses, he beg Da One In Charge, his God, fo no do dat. He tell, “You, you Da One In Charge. How come you stay huhu wit yoa peopo? You wen get dem outa da Egypt land, an you use plenny powa an come strong fo do dat.

Outa Egypt 32:7

Den Da One In Charge tell Moses, “Go back down da mountain quick! Yoa peopo, da one you wen bring outa da Egypt land, dey stay jam up an stay do all pilau kine stuff awready.

Smart Guys 29:3

Whoeva fo real kine like know wat fo do erytime, Dea faddah guy goin feel real good inside bout dem. Whoeva hang out wit da wahines dat fool aroun fo money, Dey ony throw way wat dey get fo notting.

Mark 12:44

All da odda peopo wen give dea money from da plenny money dey get. But her no mo notting, an her wen give eryting her get fo stay alive.”

Luke 15:29

He tell his faddah, ‘Eh, wat you stay do! I wen work fo you jalike one slave, plenny years! I neva go agains you wen you tell me fo do someting! You neva give me notting! You neva even give me one bebe goat fo make party wit my frenz!

Luke 15:31

“But da faddah tell, ‘Eh boy, you erytime stay hea wit me, an eryting I get, yoas too.

Luke 15:32

But eh! good we throw party, make kanikapila, an sing an feel good inside! Cuz dis guy, yoa braddah, jalike wen mahke, but now he come back alive! Cuz he was lost, but now we find um!’ ”

Luke 18:11

Da Pharisee guy stan up an pray ony fo him lidis, ‘God, mahalo plenny dat I no stay jalike da odda guys, da guys dat steal, no do da right ting, fool aroun da odda guy wife, an even jalike dis guy hea dat colleck tax money.