Luke 15:24 - Hawaii Pidgin Bible

²⁴ Cuz dis my boy! Jalike he wen mahke, but now he come back alive! Cuz he was lost, but now we find um!’ So dey wen party.

Luke 15:24 Iomraidhean Croise

Start 45:28

Israel talk (dass Jacob, you know): “Nuff awready! My boy Joseph, he still stay alive! I goin go see him befo I mahke!”

Isaiah 35:10

Da ones, Da One In Charge wen pay da price fo dem, Dey goin come back to Mount Zion. Dey goin go inside da Temple Fo Da One In Charge, An dey goin dance an sing An feel good inside all da time. All dat goin be jalike one crown on top dea head. Wen dey stay go, dey feel good inside Mo an mo erytime. Befo time, dey feel sore inside plenny. But all dat gone awready!

Isaiah 66:11

Cuz bumbye, you guys goin be Jalike one bebe dat stay breas feed, An no worry bout notting no moa, Cuz get plenny fo drink, An feel good bout eryting.”

Ezekiel 34:16

I goin look fo da lost sheeps, an bring back da sheeps dat get push off da trail. I goin bandage da sheeps dat get hurt, an make da weak ones come strong. But da real momona sheeps an da supa strong ones, I goin wipe dem out. I goin be one pono kine sheep guy an take kea my sheeps da right way.

Ezekiel 34:4

You guys no make da weak animals strong, o make da sick animals come good, o wrap up da animals dat get hurt. You guys no bring back da animals dat no stay wit da oddas, o look fo da animals dat stay lost. You guys make dem do how you like, an you ack mean to dem.

Matthew 8:22

But Jesus tell him, “Jus come wit me an be my guy! Let da mahke peopo bury da mahke peopo.”

Mark 8:22

Jesus dem go Betsaida. Some peopo bring one blind guy, an beg Jesus fo touch him.

Luke 10:19

Lissen! I wen give you guys da powa fo you walk on top snakes an scorpions, an you guys get da powa fo win ova da one dat stay agains us, az Satan. You guys get plenny mo powa den Satan get. An notting goin hurt you guys.

Luke 15:23

Go get da bestes young cow an kill um. We goin throw one party, an make kanikapila, we go party!

Luke 15:25

“Da older boy, he stay work inside da fields. Den he come nea da house, an he hear da music an da dance.

Luke 15:32

But eh! good we throw party, make kanikapila, an sing an feel good inside! Cuz dis guy, yoa braddah, jalike wen mahke, but now he come back alive! Cuz he was lost, but now we find um!’ ”

Luke 15:4

He tell, “Wat you figga? If one a you guys get hundred sheep, but one sheep stay lost, you goin leave da ninety nine sheep inside da boonies, an go look fo da one sheep dat stay lost, aah?

Luke 19:10

Cuz me, da Fo Real Kine Guy, I wen come hea fo look fo da guys dat stay cut off from God, fo take um outa da bad kine stuff dey stay do.”

Luke 9:60

Jesus tell, “You gotta let da guys dat no mo life inside bury dea mahke guys. But you, go tell da peopo how dey can get God fo dea king.”

John 11:25

Jesus tell her, “I da Guy dat make peopo come back alive an stay live fo real kine. Whoeva trus me goin come alive, no matta dey mahke.

John 5:21

My Faddah bring back da mahke guys an make um live. Same ting, me, cuz I his Boy, I can make anybody I like come back fo live one mo time.

Rome 11:15

Wen God tell “Laytas” to wat his peopo do befo time, dat mean dat da odda peopos all ova da world get chance fo come pono wit God. Bumbye, God goin take back his peopo. Goin be jalike dey was mahke befo, but now dey come back alive fo real kine!

Rome 12:15

Wen odda peopo feel real good inside, you feel good inside wit um—an wen dey cry, you cry wit um.

Rome 6:11

Az why, same ting wit you guys, jalike wat wen happen wit Jesus Christ: You guys awready pau do da bad kine stuff jalike you mahke. An you guys can live fo God, cuz now you guys stay tight wit Jesus Christ.

Rome 6:13

An no make notting inside you do stuff dat no stay right cuz dass bad. Mo betta you let God make you do wat he like you fo do. Cuz jalike you mahke awready an now you stay alive one mo time fo real kine. Use all yoa body fo do da kine stuff you suppose to do fo God.

Rome 8:2

Cuz get two tings dat stay fo real: If you stay tight wit God Spirit, he goin make you guys come alive fo real kine. An he goin make you guys stay tight wit Jesus Christ. Dass da Numba One ting. If you guys stay tight wit da bad kine stuff, you guys goin get cut off from God foeva. But if you get God Spirit, da Spirit free you up fo no do da bad kine stuff. Dass Numba Two.

1 Corint 12:26

If one part a da body suffa, all da odda parts suffa, same time. If one part a da body stay awesome, all da odda parts feel good, same time.

Efesus 2:1

An fo you guys, same ting you know. Befo time, you guys was cut off from God foeva, jalike you stay mahke inside. Az cuz you guys wen go agains da Rules God make, an same time you guys stay do all kine bad kine stuff.

Efesus 2:5

Us guys was cut off from God an mahke inside awready. Az cuz we stay broke da Rules God wen make. But wen God make his Spesho Guy Christ come back alive, same time he make us guys come back alive too. He like do plenny good kine stuff fo all you guys. Dass why he hemo you from da bad kine stuff you guys stay do.

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”

Colosse 2:13

Befo time, jalike you guys stay mahke. Az cuz you guys stay do bad kine stuff an you guys no mo da cut skin mark fo show you God peopo. But no matta, dat God wen make you guys come alive fo real kine, jalike he wen make Christ come alive. He wen let you guys go an hemo da shame fo all da bad kine stuff you guys wen do.

1 Timoty 5:6

But da widow dat like live ony any kine da way she like, no matta she stay alive, but inside, jalike she mahke awready.

Jude 1:12

Wen you guys stay eat togedda cuz you get love an aloha fo each odda, dose buggahs mess you guys up. Dey ony come by you guys fo eat an party up. Dey ony kea fo dem. Dey no shame. Dey talk an dey no do wat dey tell dey goin do, jalike da clouds dat no mo watta an da wind blow um away. Dey jalike trees dat no mo fruit wen time fo pick da fruit. Jalike somebody wen pull up da tree by da roots, an da tree mahke awready.

Jesus Show 3:1

Den da One I wen see tell me, “Da messenja guy I wen sen fo help da peopo dat come togedda fo church Sardis side, write one letta to him, an tell um dis: “Da One dat stay in charge a da seven spirits dat come from God, an hold da seven stars too, dis wat he tell: ‘Eh, I know eryting wat you guys stay do! I know fo shua erybody tell dat you guys stay alive fo real kine! But az bulai, cuz I know fo shua you guys stay mahke inside.