Luke 15:22 - Hawaii Pidgin Bible

²² “But da faddah tell his worka guys, ‘Come quick ova hea! Hurry up! Go get one robe, da bestes one, an put um on him. Put one ring on top his finga an shoes on top his feets.

Luke 15:22 Iomraidhean Croise

Start 41:42

Den Pharaoh take da ring he use fo stamp da govmen paypas from his finga an he put um on top Joseph finga. He give um fancy linen kine clotheses fo wear, an he put one gold chain aroun Joseph neck.

Esther 3:10

So da king take off his ring dat he use fo stamp paypas, an give um to Haman, Hammedata boy, from Agag side, da guy dat hate da Jews.

Esther 8:2

Da king take off da ring he use fo stamp his paypas, dat he wen take back from Haman, an give um to Mordecai. Esther put Mordecai in charge a Haman house an land.

Songs 132:16

I even goin make Da spesho kine clotheses Da pries guys wear, Fo make erybody no foget Dat I wen get um outa trouble. Da peopo ova dea Dat stay spesho fo God Goin sing plenny, Cuz dey stay real good inside.

Songs 132:9

Us guys like peopo fo see, Dat even da kine spesho clotheses Yoa pries guys wear, Make erybody tink bout wass right! Us like da peopo dat stay spesho fo you Sing cuz dey stay real good inside!”

Songs 18:33

He make um fo me run an no fall down, Jalike one deer dat run fas ova da big mountains.

Songs 45:13

Da princess dat da king goin marry Stay inside da palace. Awesome, how good looking her! Her dress get gold net all ova Fo hold da jewelry stones.

Love Song 7:1

Real beautiful, yoa feets inside yoa slippas! Jalike yoa faddah one alii. Yoa nice legs look jalike jewels Dat somebody fo real kine know how fo make um.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Luke 15:21

Da boy tell, ‘Eh Daddy! I wen do someting real bad agains God in da sky, an agains you. I not good enuff fo be yoa boy.’

Luke 15:23

Go get da bestes young cow an kill um. We goin throw one party, an make kanikapila, we go party!

Rome 13:14

But you know wat? Mo betta you change inside an come jalike Da One In Charge a us guys, dass Jesus Christ, da Spesho Guy God Wen Sen! An no even tink fo do wat da bad kine stuff inside you tell you fo do!

Rome 3:22

God wen make us come right wit him wen we go trus Jesus Christ, da Spesho Guy God Wen Sen. He do dat fo erybody dat trus him, no matta who you.

Rome 8:15

Wen you guys get God Spirit in charge a you, God Spirit no goin make you guys live jalike slaves dat gotta stay sked all da time. Az how was befo time. Wen you get God Spirit in charge a you, you know you stay God kids! Az why he goin lissen wen we yell out, “Daddy!”

Galatia 3:27

All you guys dat get baptize fo stay tight wit Christ an come his guys, now you goin come jalike him.

Efesus 6:15

An wen you guys stay ready fo tell da Good Stuff bout how fo come frenz wit Christ, dass jalike da army boots fo yoa feets.

Rules Secon Time 33:25

You Asher guys, I like you get iron an bronze bars fo yoa gates, Fo nobody hurt you all da time you stay alive.

Jesus Show 19:8

God give da bride fancy linen kine clotheses fo wear, dat stay white an clean. (Da kine white an clean linen clotheses mean, all da good an right tings dat da peopo dat stay spesho fo God do.)

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

Jesus Show 3:18

“ ‘Now I goin tell you guys wat I like you guys fo do. Fo come rich inside, come by me an get da stuff you guys need. Dass jalike you guys goin buy da bestes kine gold, da kine dat dey put inside da fire fo take out da junk kine stuff. An den you guys come by me an buy white clotheses fo put on, fo take away da shame, cuz jalike you guys no mo clotheses! An den you guys come by me an buy da kine medicine fo put on top yoa eyes fo you guys see fo real kine!

Jesus Show 6:11

Den God give all da peopo spirits white robe fo put on. An he tell um, “Res an wait litto bit moa. Cuz yoa braddahs, dey still stay work fo me jalike you guys was. Da bad guys goin kill dem too jalike dey wen kill you guys. Den da time goin come fo punish da bad guys.”

Jesus Show 7:9

Afta dat, jalike one dream, I look, an dea in front me had uku plenny peopo! Had so plenny dat no can count um. Dey come from all da countries, all da ohanas, all da diffren peopos, an all da language all ova da world. Dey stay stan in front God throne, an in front da Bebe Sheep Guy. Dey wear white kine clotheses, an dey hold branches from da palm tree.