Luke 15:16 - Hawaii Pidgin Bible

¹⁶ Da boy real hungry! He like eat da tree beans da pigs stay eat. But nobody give him notting!

Luke 15:16 Iomraidhean Croise

Job 30:4

Inside da boonies dey pull up da salt kine weeds. Dey burn da root from da broom tree fo stay warm.

Songs 142:4

Try look aroun me fo see No mo nobody kea fo help me! Da place fo go wea nobody can hurt me, Gone awready! Nobody kea if I alive o mahke!

Songs 73:22

Me, I stupid, an donno notting! Eh God, gotta be you was tinking Dat I jalike one lolo animal.

Isaiah 44:20

Jalike he stay eat ashes. His head all jam up An make um tink da wrong way. He no can get outa trouble Az why he no mahke. He no can tell, ‘Dis ting in my hand stay bulai me!’

Isaiah 55:2

How come you guys stay pay wit silva Fo stuff dat you no can eat? How come you guys stay work Fo stuff dat no goin fill you up? You guys gotta lissen me! Eat good kine stuff. Den you goin stay real good inside Cuz you stay eat all da good kine food!

Isaiah 57:3

But you guys, come ova hea! Yoa muddah guys, dey go call da spirit From da mahke peopo Fo come tell um wat goin happen bumbye, An dey fool aroun fo money! Yoa faddah guys, dey stay fool aroun Wit wahines dey no stay married to!

Sad Song 4:5

Da peopo dat wen eat fancy kine food befo time, Now dey stay live on da streets an no mo notting fo eat. Da ones dat wen grow up in fancy kine clotheses befo time, Now dey lay on top da rubbish piles.

Hosea 12:1

Da Israel peopo, dey ack jalike da wind stay dea food. All day dey chase da east wind. Dey bulai mo an moa, an dey beef mo an moa. Dey make one deal wit da Assyria peopo. Den dey sen olive oil Egypt side.

Matthew 7:6

“No give stuff dat stay spesho fo God to da guys dat goin talk bad bout um an goin wase um. Cuz dey jalike da dogs dat goin turn aroun fo attack you guys. An dey jalike da wild pigs—if you give um fancy kine jewelry dat worth plenny, dey ony goin walk all ova on top um. Den dey goin turn aroun an wase you guys.

Luke 15:15

He go by one guy from dat country an get job, an da guy sen him out to his fields fo feed da pigs.

Luke 15:17

“Den he wise up an figga, ‘Eh, how come?! All da guys dat work fo my faddah fo pay, dey get mo plenny food den dey can eat. Me, I real hungry ova hea, an litto mo mahke!