Luke 15:13 - Hawaii Pidgin Bible

¹³ “Afta dat, da younga boy get all his stuffs, sell his share an take da money, an go one far place. An ova dea he spen um all, cuz he buckaloose.

Luke 15:13 Iomraidhean Croise

Songs 73:27

I know dis: Da peopo dat no stay nea you, Dey goin come wipe out. Da peopo dat like fool aroun Wit odda gods, you goin wipe dem out.

Smart Guys 18:9

Anybody stay lazy Wen he gotta do da work he suppose to do, He jalike one braddah To da guys dat go aroun bus up eryting.

Smart Guys 21:17

Anybody ony do tings all da time Dat make dem feel good, Bumbye dey goin need plenny. Anybody go all out An drink da wine an eat da fancy kine food, No way dey goin come rich.

Smart Guys 21:20

Da peopo dat know wat fo do erytime, Dey get nice place fo put all nice kine stuffs Dat dey like, an plenny fancy kine food too. Da kine peopo dat tink dey get plenny wen dey no mo notting, Fas, dey eat up wateva dey get.

Smart Guys 27:8

Wen one guy stay away from his house, Az jalike one bird stay away from da nes.

Smart Guys 28:7

Da kine young peopo dat lissen wat da Rules From God tell, Dey undastan stuff real good. But da ones dat hang out wit da no good kine peopo, Dey make shame fo dea faddah-muddah guys.

Smart Guys 29:3

Whoeva fo real kine like know wat fo do erytime, Dea faddah guy goin feel real good inside bout dem. Whoeva hang out wit da wahines dat fool aroun fo money, Dey ony throw way wat dey get fo notting.

Smart Guys 6:26

Cuz da wahines dat fool aroun fo money, Dey ony charge enuff fo buy food, dass it. But wen da wahine dat awready get husban try come get you, You goin lose da mos expensive ting you get—yoa life, Dass wat she fo real kine goin do!

Isaiah 1:4

Ho! Erybody from inside dea Stay do plenny bad kine stuff, Gotta punish um fo teach um. Dem an dea braddahs, dey no do right kine stuff, Dey da kine peopo dat like bus up eryting! Dey go way from Da One In Charge. Dey hate da God fo da Israel peopo dat stay good an spesho. Jalike dey no like lissen an stay turn dea back on him.

Isaiah 22:13

But you know wat?! You guys no stay sad inside. You guys dance an sing, An make party, You kill cows an sheeps, Eat da meat an drink da wine. You tell, ‘Eat an drink now, Cuz tomorra, we mahke!’

Isaiah 30:11

Go find anodda way fo how you talk! Go pick one diffren road! No tell us we gotta come in front God, Da One dat stay good an spesho fo da Israel peopo!’ ”

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Jeremiah 2:13

“My peopo wen do two real bad tings: Numba one, dey wen bag from me, No matta I jalike one watta spring Wea da watta come out all da time An make peopo come alive. Numba two, dey go wit odda gods, dass good fo notting. Jalike dey dig big holes fo hold watta, But no can hold da watta!

Jeremiah 2:31

You peopo dat live nowdays, Tink bout wat I tell! Dis me, Da One In Charge! You Israel guys tink I jalike da empty boonies fo you, O I jalike one land wea eryting stay real dark, o wat? How come my peopo tell, “We goin go wea eva we like go! No way we goin go back by you no moa!”?

Jeremiah 2:5

Lissen wat he tell, “How come yoa ancesta guys tell ‘Laytas!’ to me?! Wot?! Dey tink I wen do someting wrong, o wat?! Dey wen pray to da idol kine gods dat good fo notting. Az how come yoa ancesta guys come good fo notting too.

Micah 6:3

Eh, my peopo, Wat I wen do agains you guys, aah?! Wat kine stuff I wen do Fo make you guys tell me az why hard?! Tell me da ansa!

Luke 15:12

Da younga boy tell his faddah, ‘Eh Daddy! Give me my share from all you get.’ Den da faddah split all he get an give da boys dea share.

Luke 15:14

He no mo notting. An dat time no mo food in all dat country. So he get real hard time.

Luke 15:30

But dis guy, yoa boy, he wase awready all da money from yoa land fo pay da hoaz. An wen he come home, right den an dea you kill da bestes young cow fo him. An den!’

Luke 16:1

Jesus wen teach his guys dis too: “You wen hear da luna story, bout da rich guy dat get one luna, an da luna wen spen da rich guy money on all kine stuffs?

Luke 16:19

Jesus tell, “One time had one rich guy dat wear da rich kine clotheses an he live jalike one king.

Efesus 2:13

Dat time you guys no stay tight wit God. But now, you guys stay tight wit Jesus Christ. Jesus wen go bleed an mahke fo you guys fo make you guys come tight wit him. Az why now you guys stay tight wit God.

Efesus 2:17

Christ go by you guys dat no stay tight wit God befo time an da peopo dat stay tight wit him. An he tell all you guys dis Good Kine Stuff From God. He tell, “Now you guys can come pono wit each odda!”

2 Peter 2:13

Dey make peopo suffa plenny, an God goin make dem suffa too, cuz dey neva do da right ting! Dey tink az good fun fo party up. Dey even do any kine stuff dey like do day time wen erybody can see um! Wen dey eat wit you guys, dey ony stay dea fo party up an do all kine shame stuff.