Luke 14:22 - Hawaii Pidgin Bible

²² Bumbye da worka guy come back an tell, ‘We wen do wat you wen tell us fo do, an still yet get room fo mo peopo come.’

Luke 14:22 Iomraidhean Croise

Songs 103:6

Wat Da One In Charge do Erytime stay right. Wen somebody take away Da rights from odda peopo, God, he da judge Dat know da right ting fo do.

Songs 130:7

All you Israel peopo, Hang in dea An trus Da One In Charge! Cuz if you stay tight Wit Da One In Charge, He erytime stay tight wit his peopo. Wen you wit him, He do wateva he gotta do Fo get you outa trouble.

Luke 14:21

Da worka guy tell his boss. Da luna in charge wen come huhu, an tell da worka guy, ‘Hurry up! Go out by da big an small roads inside town, an bring back da guys dat no mo notting, da guys dat no can move, da guys dat no can see, an da guys dat no can walk.’

Luke 14:23

Da boss tell da worka guy, ‘Go out by da big an small roads in da country side an make da peopo come my house, fo my house come full.

John 14:2

Inside my Faddah house, get plenny place fo stay. If neva have, I wen tell you guys awready. I goin go ova dea fo make you guys place ready.

Efesus 3:8

All da odda peopo dat stay spesho fo God stay mo importan den me. Still yet, God wen pick me fo do dis job. Dis da job fo tell all da diffren kine peopos dass not Jew guys all da unreal an awesome kine stuffs bout Christ. Dat awesome kine stuff mo awesome den anybody can figga. Dis job, jalike one spesho gif God give me fo do.

Colosse 2:9

Eryting how God stay, stay inside Christ body too, an Christ, he one guy jalike us.

1 John 2:2

Jesus, he da One dat wen mahke fo come da sacrifice fo us. Dass how he let us guys go an hemo da shame fo all da bad kine stuff we wen do. Jesus wen mahke, not fo us guys ony, but fo da bad kine stuff dat all da peopo inside da whole world do.