Luke 14:1 - Hawaii Pidgin Bible

¹ One Res Day, one Pharisee guy tell Jesus fo come his house fo eat. He one main leada fo da Pharisee guys. An da Pharisee guys an da guys dat teach da Rules From God watch Jesus real good.

Luke 14:1 Iomraidhean Croise

Songs 37:32

Da guys dat do bad kine stuff Stay look fo how fo grab Da peopo dat do da right tings Fo kill um,

Songs 41:6

Dey come by me fo visit, But ony talk junk kine stuff. Dey like find out wen bad stuff Happen to me. Den dey go all ova da place Fo talk bout dat.

Songs 62:4

Dem guys ony make plan Fo bring down dis guy Dat get one good rep. Erytime dey bulai somebody Make dem feel good. Wit dea mout, dey tell, “I like God do good tings fo you!” But inside, dey tink, “I like put kahuna on top you!” (Time out fo da music.)

Smart Guys 23:7

Cuz dat kine guy, Wen he tell you, “Eat up! Drink plenny!” Inside him, he tink all da time, “How much I gotta pay fo dis guy, aah?” He no tink bout you.

Matthew 12:12

You tink one sheep mo importan den one guy? Az why az okay fo do good kine stuff on da Res Day.”

Mark 3:2

Get some guys dea. Dey stay checking out Jesus real good, if he go make da guy come good on da Res Day, cuz dey like poin finga him.

Luke 11:37

Wen Jesus pau talk, one Pharisee guy tell um fo come his house fo eat. So he go inside, an sit down fo eat.

Luke 14:2

Get one sick guy dat show up ova dea in front Jesus. He get da kine sick dat make da arms an da legs come real fat.

Luke 17:20

One time, da Pharisee guys go aks Jesus wen God da King goin come an take ova. Jesus tell, “Wen God da King take ova, no goin get sign notting fo tell peopo wass goin happen.

Luke 20:20

So dey look fo da right time fo do um. Dey sen some secret guys fo watch him. Dem guys wen ack jalike dey good guys. Dey like trick Jesus wit wat he tell, fo dem bus him an turn him ova to da leada guys an to da govna, da one dat get da powa.

Luke 6:7

Some teachas dat teach da Rules From God an some Pharisee guys like bus Jesus, so dey watch um real good, if he goin make somebody come good on da Res Day.

John 3:1

Had one Pharisee guy Nicodemus, an he one leada fo da Jew guys.

Jesus Guys 5:34

But one guy Gamaliel stan up in front da main leadas fo talk. He one Pharisee guy dat teach da Rules From God, an all da peopo get plenny respeck fo him. He tell dem fo take da guys outside.