Luke 13:31 - Hawaii Pidgin Bible

³¹ Dat time, had some Pharisee guys dat come by Jesus an tell him. “You betta get outa hea, an go anodda place, cuz King Herod like kill you, you know.”

Luke 13:31 Iomraidhean Croise

Matthew 14:1

Dat time, King Herod hear bout all da stuff Jesus stay do.

Matthew 14:3

Dis wat wen happen. Befo time, you know, Herod wen tell his guys fo grab John, chain um up, an throw um inside da prison. Herod do dat cuz a Herodias, his braddah Philip wife.

Matthew 14:6

Den Herod go make one big party fo his birfday. Herodias girl dance in front erybody, an Herod like da dance plenny.

Luke 23:7

Wen Pilate find out dat Jesus come from Galilee, he tell his guys fo take Jesus by Herod. Cuz Herod da one dat stay in charge inside Galilee, an he stay Jerusalem town dat time.

Luke 3:1

Afta da Big King Tiberius was king fo Rome fifteen year, get Pontius Pilate da territorial govna from Rome fo Judea, Herod da small kine king inside Galilee, Herod braddah Philip da small kine king inside Iturea an Trakonitis, Lysanias da small kine king inside Abilene,

Luke 9:7

Dat time King Herod wen hear bout all dat stay happen. An he come all mix up, cuz some peopo tell John Da Baptiza Guy come back alive.