Luke 13:27 - Hawaii Pidgin Bible

²⁷ He goin tell one mo time, ‘I donno who you guys o wea you guys come from! Get outa hea, all you guys dat stay do wass wrong!

Luke 13:27 Iomraidhean Croise

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Songs 101:8

Firs ting ery day, I goin wipe out All da peopo inside dis land Dat stay do bad kine stuff. I goin cut off da ones Dat stay do wass wrong Fo dem no live inside da town Wea Da One In Charge live.

Songs 119:115

All you peopo dat stay do bad kine stuff, Get away from me! Cuz I goin do da tings Dat my God tell me I gotta do.

Songs 125:5

Da peopo dat go da wrong way An do crooked kine stuff, I like fo Da One In Charge Throw dem out, Same time he kick out da odda peopo Dat do bad kine stuff. But fo da Israel peopo, I like eryting go good fo dem!

Songs 28:3

No drag me away jalike I one bad guy, Da kine guy dat erytime do bad kine stuff, Da kine guy dat talk with dea frenz jalike dey get aloha, But same time, dey tink dey like do bad tings to peopo.

Songs 5:6

Da guys dat bulai peopo, You goin wipe dem out bumbye. Da kine guys dat like go kill peopo, O da ones dat nobody can trus, Fo you, Da One In Charge, dey pilau.

Songs 6:8

Eh! All you guys dat do real bad kine stuff! Beat it awready! Cuz Da One In Charge, he wen hear me cry.

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

Matthew 25:12

“But da guy tell um, ‘No way! I donno you guys.’ ”

Matthew 25:41

“Den I goin tell da odda guys on my lef side, ‘Get outa hea, you guys! God goin punish you guys! You goin go inside da fire dat stay ready fo da Devil an his angel messenja guys. An dat fire no goin pio eva!

Luke 13:25

God jalike one house owna dat eat, den go lock da door fo go sleep. Den you guys goin stan outside an start fo knock da door an tell, ‘Eh Boss, try open da door fo us!’ But he goin tell you guys, ‘I donno who you guys o wea you guys come from!’

1 Corint 8:3

But if somebody get love an aloha fo God, God know dem, an dass wass importan.

Galatia 4:9

But now, you guys know God. Mo betta, God know you guys. So how come you guys go back an like stay tight wit da spirits dat stay junk an not strong? Dey like make you guys jalike dea slaves one mo time.

2 Timoty 2:19

But you know wat? Da stuff God stay do stay solid, jalike one building dat get one solid foundation undaneat an no can move, aah? An on top dat foundation, get one sign dat tell two tings. One side tell, “Da One In Charge, he know all his peopo!” An da odda side tell, “Whoevas tell, ‘I stay tight wit Da One In Charge a me,’ Dey betta not do someting dat not pono!”