Luke 13:17 - Hawaii Pidgin Bible

¹⁷ Wat he tell wen make all da guys dat stay agains him come shame. But da peopo stay good inside cuz a all da awesome stuff he do.

Luke 13:17 Iomraidhean Croise

Songs 109:29

Da ones dat no like me, Nobody goin respeck dem. Dey goin come shame fo eryting.

Songs 111:3

Da kine tings Da One In Charge stay do, Show how awesome him, An how plenny respeck Peopo get fo him. He erytime stay do Da right ting fo peopo.

Songs 132:18

I goin make shua, wen you tink bout Da peopo dat stay agains my king, You ony goin rememba Dat I put plenny shame on dem. But da crown on top da king head Goin shine so you no foget How awesome him!”

Songs 40:14

All da ones dat like kill me, I like dem fall down an come shame. Da ones dat feel good inside Wen someting bad happen to me, I like God make dem plenny shame.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Isaiah 4:2

Dat time, goin get one guy, Da One In Charge goin give him da right fo be king, Cuz he jalike one new branch Dat Da One In Charge make come out from da king ohana. Dat guy goin be real good looking an stay awesome. Erybody goin know bout da stuff dat grow on top da land, Dat goin come real awesome too, An da Israel peopo dat still yet stay alive dat time Goin feel real good inside bout all dat, An all da odda peopo goin get respeck fo dem.

Isaiah 45:24

Dey goin tell dis bout me, ‘Fo shua, ony one way fo do da right kine stuff, Ony one way fo stay strong: Gotta stay tight wit Da One In Charge!’ But erybody dat come huhu wit Da One In Charge Dey gotta go in front him, An dey goin come plenny shame.

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Luke 14:6

But dey no can say notting.

Luke 18:43

Right den an dea da guy see, an he go wit Jesus, talking bout how awesome God. Wen all da peopo see dat, dey tell God “Mahalo plenny!” an talk good bout him.

Luke 19:48

but dey neva find out how fo do um, cuz all da peopo like hear eryting he tell.

Luke 20:40

An nobody aks him fo mo stuff no moa.

Jesus Guys 4:21

Az why da leada guys tell um one mo time “Betta not talk bout Jesus no moa!” An den dey let um go. Dey no can figga how fo punish dem, cuz all da peopo stay tell dat God awesome, cuz a eryting dat wen happen.

2 Timoty 3:9

But dey no goin bodda plenny peopo—cuz erybody can see dat dea tinking all hamajang. Jalike how was wit Jannes an Jambres befo time.

Titus 2:8

Da stuff you tell, gotta be solid, fo nobody tell you donno wat you stay talking bout. Den, if get one guy dat no like wat you tell, he goin come all shame, cuz he no can tell us guys do bad kine stuffs.

1 Peter 3:16

But tell um nice kine, an show respeck to dem cuz you know you stay do da right ting. Goin get guys dat talk bad bout you guys, no matta you guys do good kine stuff cuz you stay tight wit Christ. Dem guys goin come shame cuz dey wen talk any kine bout you guys.