Luke 13:13 - Hawaii Pidgin Bible

¹³ Den he put his hands on top her, an right den an dea she stan up strait an tell how awesome God stay.

Luke 13:13 Iomraidhean Croise

Matthew 9:8

All da peopo see dat, an dey come real sked. An dey tell how awesome God stay, cuz he da kine God dat give peopo dat kine powa.

Mark 16:18

Dey even goin pick up snakes wit dea hands. If dey drink poison, no goin hurt dem. Dey goin put dea hands on top da sick peopo, an da sick peopo goin come good.”

Mark 5:23

an beg him plenny, “Eh, my litto girl, she ony twelve year ol, an she litto mo mahke. Try come put yoa hand on top her, fo her come good an stay alive!”

Mark 6:5

An Jesus figga, “Eh, how come dey no trus me?” Az why he no do awesome stuff ova dea fo show his powa. He put his hands on top litto bit peopo, an make dem come good. Az why Jesus go odda small towns fo teach odda peopo.

Mark 8:25

Den Jesus put his hands on top da guy eyes one mo time. Da guy open his eyes wide, his eyes come good, an he can see eryting real good.

Luke 13:12

Jesus spock her, an tell her, “Sistah, I make you come good from all yoa sick!”

Luke 18:43

Right den an dea da guy see, an he go wit Jesus, talking bout how awesome God. Wen all da peopo see dat, dey tell God “Mahalo plenny!” an talk good bout him.

Luke 4:40

Wen da sun go down an da Res Day pau, plenny peopo bring by Jesus odda peopo dat get all kine sick. He put his hands on top erybody dass sick, an make all a dem come good.

Jesus Guys 9:17

Den Ananias go da house wea Saul stay an go inside. He put his hands on top Saul, an tell, “Braddah Saul, Jesus Da One In Charge, da One dat show up by you wen you stay on da road fo come ova hea. He sen me by you fo you see one mo time, an fo his Good An Spesho Spirit take charge a you.”