Luke 13:11 - Hawaii Pidgin Bible

¹¹ One wahine stay dea dat no can walk good. One bad kine spirit wen make her lidat eighteen year befo time. She bent ova an no can stan up strait.

Luke 13:11 Iomraidhean Croise

Job 2:7

So Da One Dat Stay Agains God go out from in front Da One In Charge. He give Job boils dat hurt real bad from da bottom a his feets to da top a his head.

Songs 145:14

Wen peopo fall down, Da One In Charge let um lean On top him fo dem stan up. Jalike dey all bend ova Wit heavy kine stuffs fo carry, An he help um stan up.

Songs 146:8

Da One In Charge, he da One Dat make da peopo Dat no can see, see, An help da peopo Dat gotta carry too much, fo stan up, An get love an aloha fo da peopo Dat stay do wass right.

Songs 38:6

I no can stan up strait, cuz real sore. Ery day, I feel sad, Jalike wen somebody mahke.

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 6:2

Eh! You Da One In Charge! Be good to me, cuz my body stay weak! Make my body come good, Cuz I sked an shaking all ova.

Matthew 4:23

Den Jesus go all ova Galilee fo teach inside da Jew churches. He tell da peopo all da Good Kine Stuff bout how can get God fo dea king, an he make all da sick peopo come good from all kine sick.

Mark 9:21

Jesus tell da faddah, “How long he make lidat?” He tell, “From small kid time.

Luke 13:12

Jesus spock her, an tell her, “Sistah, I make you come good from all yoa sick!”

Luke 13:16

But dis wahine from Abraham ohana, an was Satan wen make um fo her no walk good fo eighteen year. You no tink dass okay fo hemo her from da sick dat make her no walk good, an do um on da Res Day too, o wat?”

Luke 21:28

Wen all dat stuff start fo happen, stan up tall an look up. Cuz da time stay nea fo God cut you guys loose from da powa da bad kine stuff get ova you.”

Luke 8:2

An befo time Jesus make some wahines come good from da bad kine spirits an all kine sick. Dey all go too: Mary da Magdala wahine, dat had seven bad kine spirits dat take ova her befo time, but Jesus make um no bodda her no moa.

Luke 8:27

Jesus go on top da beach. One guy from dat town come dat get some bad kine spirits in charge a him. Long time dat guy neva wear clotheses o stay inside one house, but he stay inside da caves wea dey put da mahke guys.

Luke 8:43

An had one wahine ova dea dat stay bleed twelve year. She wen pay eryting she get to da doctas, but nobody can make her come good.

Jesus Guys 3:2

Had one guy ova dea dat no can walk from da time he born. Some guys carry him by da Temple gate ery day. Dass da gate get da name “Beautiful.” Dey put him dea fo him beg fo money from da peopo dat go inside da open lanai fo da Temple.

Jesus Guys 4:22

Da guy dey make come good dis unreals way, he mo den forty year ol awready.