Luke 12:46 - Hawaii Pidgin Bible

⁴⁶ da boss fo dat guy goin come back one day wen da luna guy figga he not goin come, an one time wen da luna guy donno. Da boss goin wipe out da luna guy an sen um away wea da peopo stay dat no trus God.

Luke 12:46 Iomraidhean Croise

Job 20:29

Dass wat God goin give to da bad guys, Dass wat dey goin get from God!”

Songs 11:5

Da One In Charge, he look good on da peopo dat do wass right, An on da peopo dat do real bad kine stuff too. Deep inside, he hate da peopo Dat like bus up odda peopo.

Songs 37:9

Da guys dat do bad kine stuff, God goin cut um off from him. But da peopo dat wait Fo Da One In Charge fo take kea dem, Dey da ones goin get da land Da One In Charge wen promise dem.

Songs 94:14

Cuz Da One In Charge No goin dump his peopo. He no goin go way From da ones dat stay his.

Matthew 24:50

Goin get one time, da boss goin come back an da worka figga he still yet no stay come, but he donno wat time da boss goin come.

Matthew 24:51

Da boss goin bus him up, an throw him outside wit da bulaia kine guys dat tell one ting an do anodda. Ova dea da guys goin cry real hard an grind dea teet cuz dey so huhu an futless.”

Luke 12:40

So you guys too, you betta be ready, cuz I da Fo Real Kine Guy, an wen you figga dat I no goin come back, dass wen I goin come back!”

Luke 12:45

But if da worka guy figga, ‘Long time my boss no come,’ an he beef da odda worka guys an da wahines, an he eat an drink an get piloot,

Luke 12:47

“Da worka guy dat know wat his boss like, an no get ready fo do um, an no do wat da boss like him fo do, his boss goin punish him real hard.

Jesus Show 16:15

Da One In Charge tell, “Look! I goin come jalike one steala guy dat nobody tink he goin come! Whoeva stay awake, an get dea clotheses wit dem, dey no goin come shame cuz dey naked. Dey goin stay good inside.”