Luke 12:37 - Hawaii Pidgin Bible

³⁷ Wen da boss come back, goin be good fo da worka guys dat stay awake an watching. Dass right! An I like tell you guys dis too: Fo dem, da boss goin put on one worka clotheses, make his worka guys sit down at da table, an bring um food.

Luke 12:37 Iomraidhean Croise

Isaiah 62:5

Jalike one young guy take one wahine fo come his wife, You Jerusalem guys goin take Jerusalem town. Jalike one young guy feel good inside bout his bride, Yoa God goin feel good inside bout you guys.

Jeremiah 32:41

I goin stay real good inside bout dem fo do good kine stuff fo dem. An I stay shua cuz I get plenny love an aloha fo dem, an I goin make dem stan strong inside dis land.’ ”

Zefaniah 3:17

Yoa God, Da One In Charge, stay right dea wit you guys! He get plenny powa fo make you guys da winnas! He goin dance an sing bout you guys. He goin make you guys come so notting bodda you, Cuz he get love an aloha fo you guys. He goin yell, cuz he stay real good inside bout you guys!’ ”

Matthew 24:42

“So, watch out! Cuz you guys donno wat time yoa Boss goin come back.

Luke 12:36

jalike da worka guys dat wait fo dea boss, wen he come back from da wedding luau. Wen he come knock da door, right den an dea dey open da door fo him.

Luke 12:43

Wen da boss come back, dat luna guy goin stay good inside if he wen do wat da boss tell him fo do.

Luke 17:8

Da boss goin tell, ‘Make my suppa, go get ready, an bring um all fo me fo me eat an drink. Afta dat, you goin eat an drink.’ Dass wat he goin tell um fo do.

Luke 21:36

Watch out all da time, an stay ready. Tell God fo let you get outa all da stuff dat goin happen, an fo let you stan in front me, da Fo Real Kine Guy.”

Luke 22:27

Who you guys figga da main guy? Da guy dat stay sit by da table o da guy dat bring him da food? You figga da guy dat sit by da table? But me, I not lidat. You know, I stay wit you guys, but I work fo you guys.

John 12:26

Whoeva like be my helpa gotta go wit me an be my guy. Wea I stay, my helpa guy goin stay dea too. An my Faddah goin show respeck to dat helpa guy.”

1 Corint 2:9

Az why da smart kine stuff from God, az jalike da Bible tell, “Get tings you neva see befo time, Get tings you neva hear bout befo time, You no can even figga how unreal dis ting goin be. Dass da kine stuff God make ready Fo us guys dat get love an aloha fo him.”

Philippi 1:21

Da way I see um, if I stay alive, I stay tight wit Christ, an if I gotta mahke, I stay live wit him foeva, an dass even mo betta!

Philippi 1:23

I get presha dis way an dat way! Me, I like bag an stay wit Christ awready! Dass mo betta, aah?

2 Peter 1:11

Den, God goin give you guys someting real awesome. He goin give you da right fo get Jesus Christ fo be yoa King, foeva an eva! Jesus Da One In Charge a us guys. Him da One dat hemo all da bad kine stuff we stay in.

2 Peter 3:14

So den, my good frenz, all da time you stay waiting fo dis happen, go all out fo be da bestes kine peopo da way God see you guys. Den nobody goin poin finga you guys fo show you get someting wrong wit you. An go all out fo live so notting bodda you guys.

Jesus Show 14:13

Den I hear one voice from da sky tell, “Write dis: From now, erybody dat stay tight wit Da One In Charge till dey mahke, he goin do good tings fo dem.” God Spirit tell, “Yeah! Dey goin res from all dea hard work, an erybody goin know da good stuff dey wen do.”

Jesus Show 16:15

Da One In Charge tell, “Look! I goin come jalike one steala guy dat nobody tink he goin come! Whoeva stay awake, an get dea clotheses wit dem, dey no goin come shame cuz dey naked. Dey goin stay good inside.”

Jesus Show 3:21

Whoeva fight an win, I goin give dem da right Fo sit by me wea I stay on top my throne. Jalike me, I win awready, An now I stay sit down by my Faddah Wea he stay on top his throne.

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”