Luke 11:9 - Hawaii Pidgin Bible

⁹ Az why I tell you guys: Go aks, an you goin get. Go look, an you goin find. Go knock, an da door goin open fo you.

Luke 11:9 Iomraidhean Croise

Songs 118:5

Befo time wen I get plenny presha, I yell fo Da One In Charge help me. He wen lissen, An he put me wea no mo presha.

Songs 27:4

Ony get one ting I like tell Da One In Charge fo do fo me. Dass da ony ting I stay wait fo: I like stay inside Da One In Charge house Till I mahke! I like hang out inside his Temple an feel good inside dea Fo see how Da One In Charge all da time make good to peopo!

Songs 27:8

Fo real kine, I like come close to you. Eh! You Da One In Charge! Dass wat I like fo do, Go in front you.

Songs 34:10

Da young lions come hungry, Cuz dey no mo notting fo eat, But da peopo dat like come close To Da One In Charge, Dey goin get plenny good tings!

Songs 34:4

I wen try fo come close To Da One In Charge, An he let me. He wen get me outa eryting Dat make me come real sked.

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Love Song 5:6

I open da door fo da one dat love me, But he wen turn go way awready. He no stay. My heart drop cuz he no stay. I wen go look fo him, but I no can find him. I call him, but he no ansa me.

Isaiah 45:19

I no make secret kine wen I talk, Jalike I stay some place Inside one land wea no mo light. I neva tell da peopo dat come from Jacob ohana, ‘No matta you guys try fo find me, Dat no goin mean notting fo you guys.’ Me, Da One In Charge! Wat I tell, I tell um fo real kine.

Jeremiah 29:12

“Wen you guys call out to me fo me come help you, an pray to me, den I goin lissen you guys.

Jeremiah 33:3

He tell: ‘Call out to me fo help you. I goin ansa an tell you importan tings you gotta know— Secret kine tings Dat you neva know befo time An you no can figga um out.’ ”

Daniel 9:3

Az why I no eat so I can pray, an put on burmbag kine clotheses an put ash on top my head cuz I stay real sore inside. I tink ony bout God, my Boss, an I pray. I beg him fo help me.

Matthew 21:22

Wen you guys pray, eryting you go aks God fo do, trus um jalike you get um awready, an dat goin happen.”

Matthew 21:31

How you guys figga? Wat boy wen do wat da faddah like?” Dey tell him, “Da firs boy, fo shua.” Jesus tell, “Dass right! I tell you guys, da guys dat colleck tax money fo da govmen, an da wahines dat fool aroun fo money, dey goin get God fo dea king befo you guys get um.

Matthew 6:29

But I stay tell you, even King Solomon, wit all his awesome stuffs, he neva get awesome clotheses like da flowas.

Mark 11:24

Dass why I tell you guys, wen you pray, eryting you tell God you like him fo do, trus him jalike you get um awready, an dass wat goin happen.

Mark 13:37

I tell you guys an erybody dis: Get ready an watch real good!”

Luke 11:10

All da peopo dat go aks, goin get. Da guy dat go look fo someting, he goin find um. An da guy dat go knock da door, da door goin open fo him.

John 14:13

Wateva you guys go aks me fo do cuz you my guys, I goin do um. Den erybody can know how awesome my Faddah stay, cuz I his Boy, an I show dem how awesome he stay.

John 15:16

You guys neva pick me. I wen pick you guys, an give you dis job: go do plenny good stuff dat goin las long time, jalike one grape vine dat give plenny good fruit long time. Den, watevas you go aks my Faddah fo do cuz you my guys, he goin do um fo you.

John 15:7

If you guys stay tight wit me, an stick wit da tings I stay tell you guys, den you guys can aks God fo wateva you guys like, an he goin do um fo you guys.

John 4:10

Jesus tell, “You donno wat God like give erybody, an you donno who me dat stay aks you fo da watta. Cuz if you know dat, den fo shua you goin aks me fo watta. An one mo ting, I can give you da kine watta dat make peopo live fo real kine foeva!”

Rome 2:7

God goin give some peopo da real kine life dat goin stay to da max foeva, cuz erytime dey hang in dea an do da right ting. Dey like get plenny respeck from God, an get da real kine life.

2 Corint 6:2

God tell dis inside da Bible, “I wen hear you at da right time. I wen kokua you, da time I like get you outa da bad kine stuff.” Eh, lissen! Now da right time fo God get you outa da bad kine stuff you stay in!

Hebrews 11:6

An you know, whoeva no trus God, dey no can make God stay good inside. Cuz whoeva like come tight wit God, dey gotta stay shua dat God stay fo real. An if dey like know him fo real kine, dey gotta stay shua dat God goin give um someting spesho fo dat.

Hebrews 4:16

So den, no need come sked. Us guys gotta come strong fo go in front God throne, cuz he like do plenny good kine stuff fo help us. He goin give us chance, an wen we need kokua, he goin kokua us.

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

James 5:15

An wen da leada guys pray an trus Da One In Charge, dat goin make da sick guy come good. Da One In Charge goin make him get up. If he wen do someting bad, Da One In Charge goin let um go fo dat, an hemo da shame fo him.

1 John 3:22

An we get from God wateva we tell him fo do fo us, cuz us do wat he tell us fo do. We do wat he like.

Jesus Show 2:24

Now, I like tell dis to all you odda peopo inside Tyatira, you guys dat no lissen da Jezebel kine wahine an no like learn wat dey call “da deep secrets from Satan”: I no goin make tings mo hard fo you guys.