Luke 11:54 - Hawaii Pidgin Bible

⁵⁴ Dey like trick him wit wat he tell dem fo dem bus him.

Luke 11:54 Iomraidhean Croise

2 Kings 5:7

Wen da Israel king read da letta, he come real bum out. He rip his clotheses fo show dat. He tell, “Wot! Dis guy tink me God, o wat?! He tink I can kill somebody an make um come back alive, o wat?! How come dis guy sen somebody by me fo me make him come good from dat kine sick?! Fo shua you guys can see, he like beef wit me!”

Matthew 22:15

Den da Pharisee guys start fo talk togedda how dey goin catch Jesus from wat he goin tell um.

Matthew 22:18

But Jesus know dey stay trying fo make any kine, an he tell, “You guys, you tell one ting an do anodda! How come you guys try fo make me tell any kine?

Matthew 22:35

One teacha dat teach da Rules From God aks him one question fo try trick um.

Mark 12:13

Layta dey sen some Pharisee guys an some King Herod guys fo try trick Jesus cuz a wat he tell.

Mark 3:2

Get some guys dea. Dey stay checking out Jesus real good, if he go make da guy come good on da Res Day, cuz dey like poin finga him.

Luke 11:53

Wen Jesus go way from dat place, da teachas dat teach da Rules From God an da Pharisee guys start fo gang up on him, an try fo make him tell dem all kine stuff.

Luke 20:20

So dey look fo da right time fo do um. Dey sen some secret guys fo watch him. Dem guys wen ack jalike dey good guys. Dey like trick Jesus wit wat he tell, fo dem bus him an turn him ova to da leada guys an to da govna, da one dat get da powa.

Luke 20:26

Dey no can trick him wit wat he tell in front da peopo. Wat he tell blow dea mind, an dey no can say notting.

Jesus Guys 23:21

No do wat dey tell, cuz mo den forty guys stay hide an stay waiting fo him. Dey wen make one strong promise dat dey no goin eat o drink notting till dey kill um. Dey stay ready now. Dey stay waiting fo you fo do wat dey tell.”