Luke 11:41 - Hawaii Pidgin Bible

⁴¹ Give stuff to da peopo dat no mo notting from da stuffs you get, an you know wat? Eryting goin come okay fo you guys, da way God see you.

Luke 11:41 Iomraidhean Croise

Songs 112:9

Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Songs 41:1

Whoeva tink plenny Bout how fo help da peopo Dat no mo notting, Dey can stay good inside! Da One In Charge, goin help dem Wen bad tings happen to dem!

Smart Guys 14:31

Wen somebody put presha On da peopo dat no mo notting Fo take dea stuff, Dass jalike he talk bad Bout da One dat make dem. Wen somebody show pity Fo da peopo dat need help He show he get respeck fo God.

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Daniel 4:27

“Eh King Nebukadnezzar, az why I like you lissen an do wat I tell you now: Throw out all da bad kine stuff you wen do awready! Do wat stay right! Throw out all da tings you wen do fo go agains God! Make good to da peopo dat suffa plenny! Den maybe you can stay king long time.”

Matthew 26:11

Erytime goin get pooa peopo stay wit you guys, but I not goin stay wit you guys erytime, you know.

Matthew 5:42

Wen somebody aks you fo someting you get, give um. Da guy dat like borrow someting from you, no tell um, ‘No!’

Mark 7:19

Cuz dat ting no go inside da heart, but go inside da stomach, an bumbye come out.” (Wen Jesus tell dat, he make um okay fo eat any kine stuff.)

Luke 12:33

Sell eryting you get an give da money to da peopo dat no mo notting. Get da kine money bag dat no goin get puka. Make shua you get da importan kine stuff from God inside da sky, dat stay foeva. Da steala guy no can steal um ova dea, an da bugs no can eat um up.

Luke 16:9

“I tell you, you guys go use yoa dirty money fo make frenz. Den bumbye, wen da time come dat eryting come hamajang, God goin tell you guys ‘E komo mai, come inside!’ inside his place dat stay foeva.

Luke 18:22

Wen Jesus hear dat, he tell him, “Ony one mo ting you neva do dat you gotta do. Go sell all da stuffs you get, an give da money to da peopo dat no mo notting. Den garans you goin get plenny good kine stuffs inside da sky. Den come wit me fo be my guy.”

Luke 19:8

Zakkeus stan up an tell da Boss Jesus, “Look, you Da One In Charge! I goin give half a my stuffs to da peopo dat no mo notting, an whoeva I wen rip off, I goin pay um back four times mo den wat I wen get.”

Jesus Guys 10:15

One mo time da voice tell, “No tell dat someting stay kapu dat God make okay fo eat!”

Jesus Guys 11:29

Da peopo dat stay tight wit Jesus tink fo help da braddahs an sistahs dat stay Judea side. An erybody give um wat dey can give.

Jesus Guys 24:17

“Long time I stay odda places, an den I come back Jerusalem fo bring money fo my peopo, fo da pooa peopo, an fo make sacrifice inside da Temple.

2 Corint 8:12

If you guys like kokua dem, wateva you give, az good. But give wat you can, not wat you no can.

Efesus 4:28

Whoeva steal stuffs betta not do um no moa. Dey gotta work hard fo do good kine stuff wit dea hands. Den dey can give stuffs to da peopo dat need um.

Titus 1:15

Da peopo dat no mo bad kine stuff inside, fo dem eryting good da way dey see um. But da peopo dat stay pilau inside an no trus God, eryting stay pilau da way dey see um. Mo worse, even da way dey tink stay all pilau, an dey no shame fo do bad kine stuff.

Hebrews 13:16

No foget fo do good tings fo odda peopo. Give dem wat dey need from yoa stuffs. Cuz dass jalike you stay make one sacrifice dat make God stay good inside.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

James 1:27

God oua Faddah, he figga lidis: Da guy dat stay religious fo real kine, an no do notting pilau, he da one goin kokua da peopo dat get hard time—da kids dat no mo faddah o muddah, an da wahines dat no mo husban fo take kea dem. Dat kine guy, he no goin let da peopo inside da world make him do bad kine stuff.