Luke 11:24 - Hawaii Pidgin Bible

²⁴ “Wen one bad kine spirit no bodda one guy no moa, dat spirit go all ova da boonies fo find one place fo res, but no can find notting. Den he figga, ‘Eh, mo betta I go back inside da guy I wen bodda befoa.’

Luke 11:24 Iomraidhean Croise

Job 1:7

Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world, checking out hea an dea.”

Job 2:2

Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world fo see wat happen hea an dea.”

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Smart Guys 4:16

Dat kine peopo, Dey no can go sleep, Dey gotta do someting bad firs! Da sleep no come, Till dey make somebody do someting bad!

Isaiah 35:7

Da hot sand goin get pond wit reeds. Da groun dat no mo watta, Goin come one puka wea plenny watta come out. Ova dea, wea da jackal kine wild dogs Wen lay down fo res befo time, Goin get grass an watta plants an papyrus reeds dea.

Isaiah 44:3

I goin pour rain on top da thirsty peopo. I goin make plenny watta come on top da dry groun. I goin pour my Spirit inside yoa kids Fo take charge a dem. I goin do plenny good kine stuff Fo da peopo dat goin come from you.

Isaiah 48:22

“Da One In Charge tell dis: ‘Da peopo dat do bad kine stuff, Dey no goin res!’ ”

Mark 5:10

Da spirit beg Jesus plenny times, “Eh, no sen us outa dis place!”

Mark 9:25

Den plenny peopo come running. Jesus spock um, an he scold da bad kine spirit. He tell, “Eh, you bad spirit, you! You no let da boy talk o hear notting. I tell you, beat it! Let go him an no come back no moa!”

Luke 11:25

Wen he go dea, da guy stay clean inside, jalike wen you sweep one house an fix um up.

Efesus 2:2

Dat time, you guys wen make jalike all da odda peopo all ova da world. You guys wen like lissen da Bad Guy. I stay talking bout da guy dass da leada fo all da bad kine spirits up inside da sky. An you guys wen like fo do wat he tell you guys fo do. Az da same strong spirit dat make peopo go agains wat God tell um fo do.

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.