Luke 11:2 - Hawaii Pidgin Bible

² Jesus tell, “Dis how you pray: “ ‘Faddah, We like all da peopo know fo shua How good an spesho you stay. We like you come da king fo erybody.

Luke 11:2 Iomraidhean Croise

1 Kings 8:43

Den lissen from inside da sky wea you stay, An go do someting fo da guys from anodda place Dat aks you fo help um. Wen you do dat, All da diffren peopos all ova da world Goin know wat kine god you. Den dey goin feel jalike dey sked Wen dey come in front you, Same ting jalike yoa Israel peopo feel. An dey goin know Dat dis Temple I wen build, Get yoa name.

2 Kings 19:19

Da One In Charge, you da God fo us guys! Help get us outa Sennakerib powa! Den all da kings in da world goin know fo shua dat you Da One In Charge, az da ony God dass fo real!”

2 Records 20:6

He tell: “You Da One In Charge, you da God fo oua ancesta guys. Fo shua you da God dat tell us wat fo do from inside da sky. You da One in charge a da kings ova all da peopos. You strong an get plenny powa fo fight. No mo nobody can stan up agains you.

Songs 103:20

All you angel messenja guys Dat work fo Da One In Charge, Tell how Da One In Charge da One Dat make you come Wat he like you fo come! Da One In Charge wen make you guys, An make you real strong, An you guys lissen him An go do eryting he tell you fo do.

Songs 108:5

God, I like erybody tell, Dat you even mo big den da sky! I like erybody on top all da earth know How awesome you stay!

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 57:11

God, I like erybody know, Dat you mo big even den da sky! I like erybody on top da earth know How awesome you stay!

Teacha 5:2

No talk befo you tink! No rush fo tell someting wen you stay in front God. God stay in da sky, An you stay on top da earth. So talk ony litto bit!

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

Ezekiel 36:23

I goin show you guys how good an spesho me, no matta you guys give me one bad rep wit da odda peopos. Den da odda nations goin know az me, Da One In Charge, da Boss, do all dat, wen I use you guys fo show dem dat I stay real good an spesho.

Daniel 2:28

But, get one God inside da sky dat make peopo know da secret tings. King Nebukadnezzar, God wen make you know awready wat goin happen bumbye. Now, I goin tell you wat you wen dream, an tell all da pichas dat you wen see in yoa head wen you lay on top yoa bed.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Daniel 7:18

But da ones dat stay spesho fo da God Dass Mo Importan Den All Da Odda Gods, goin be dem get da right fo be da king guys, an dey goin keep dat right foeva an eva.’

Daniel 7:27

Den, da God Dass Mo Importan Den All Da Odda Gods goin give da peopo dat stay spesho fo him da powa fo come da nex king an da powa fo stay in charge a da peopo. An da God Dass Mo Importan Den All Da Odda Gods goin give his kings powa ova da odda kings all ova da world. Dey goin stay in charge foeva. All da countries on top da earth goin work fo God peopo, an all da odda peopos goin lissen dem.’

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Prieses 10:3

Den Moses tell Aaron: “Dis wat Da One In Charge stay talk bout wen he tell: ‘Wen pries guys come nea me, I goin show um I stay good an spesho. In front all da peopo, dey goin show plenny respeck fo me.’ ” But Aaron no say notting.

Prieses 22:23

Wen you give one sacrifice ony cuz you like give one sacrifice, you can give one bull o sheep dat stay hurt, o grow up small. But I no take dat kine sacrifice if you wen make one strong promise fo make one sacrifice fo me.

Habakkuk 2:14

Cuz jalike da watta fill up all da oceans, All da peopo dat fill up da world goin know How awesome me Da One In Charge stay!

Matthew 10:32

“If get one guy dat tell in front all da peopo dat he know me, den I goin tell in front my Faddah in da sky dat I know him.

Matthew 3:2

He tell, “You guys gotta come sorry fo all da kine bad stuff you stay do now, an no do um no moa. Cuz God in da sky stay King hea now.”

Matthew 5:16

Az why, you guys jalike da light. Let erybody see da good kine stuff you guys stay do. Den dey goin tell dat yoa Faddah, God, dat stay in da sky, he awesome!

Luke 11:1

One time Jesus stay pray in one place. Wen he pau pray, one guy he stay teach tell um, “Boss, teach us guys how fo pray, jalike John wen teach his guys.”

Rome 1:7

You Rome guys, dis letta fo you. Eh, God get love an aloha fo you guys. He tell you fo come his spesho guys. God, he oua faddah, an Jesus, he Da One In Charge, he da Spesho Guy God Wen Sen. I like dem do plenny fo you guys, an make you guys come so notting bodda you.

Rome 8:15

Wen you guys get God Spirit in charge a you, God Spirit no goin make you guys live jalike slaves dat gotta stay sked all da time. Az how was befo time. Wen you get God Spirit in charge a you, you know you stay God kids! Az why he goin lissen wen we yell out, “Daddy!”

1 Corint 1:3

God, he oua Faddah, an Jesus Christ, he Da One In Charge a us guys. I like dem do plenny good kine stuffs fo you guys, an make um so notting bodda you.

2 Corint 1:2

I like God oua Faddah an Jesus Christ Da One In Charge a us guys do plenny good tings fo you guys an make eryting work out fo you guys.

Galatia 1:4

Christ wen give up his body fo mahke cuz a da bad kine stuff us guys stay do. He do dat cuz God oua Faddah wen make one plan fo him free us guys up from dis pilau world we stay in nowdays.

Efesus 1:2

I like oua Faddah God an Da One In Charge a us guys, Jesus Christ, do plenny good kine tings fo you guys an make you stay so notting bodda you.

Philippi 1:2

God, he oua Faddah, an Jesus Christ, him Da One In Charge. We like dem do plenny good kine stuff fo you guys, an make you so notting bodda you.

Philippi 4:20

I like erybody tell: “God, he oua Faddah. He awesome foeva! Dass right on!”

1 Tessalonika 1:1

Dis letta from Paul, Silas, an Timoty. We write um fo you Tessalonika church peopo dat stay tight wit God oua Faddah an wit Jesus Christ, Da One In Charge. Us guys like God do plenny good kine stuff fo you guys, an make um so notting bodda you.

1 Tessalonika 1:3

We no foget da way you guys do all kine stuff cuz you trus Christ, an da way you guys work real hard cuz you get love an aloha fo him, an da way you guys hang in dea cuz you stay shua dat Da One In Charge a us guys, Jesus Christ, he goin come back. An God oua Faddah, he know all dis stuff too cuz he see eryting you guys do.

2 Tessalonika 2:16

Da One In Charge a us guys, Jesus Christ, an God oua Faddah too, dey get love an aloha fo all us guys. God get one good heart, an he no stop give us guys good kine words an help us wait till da good tings happen.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 19:6

Den I hear someting dat soun like get plenny peopo making big noise, jalike big watta pounding, an jalike loud thunda. Dey tell, “God, he da greates! Hallelujah! Cuz he Da One Dat Stay In Charge, An he da King ova erybody! He Da God Dat Get All Da Powa!

Jesus Show 20:4

Den I spock plenny throne. On top get da peopo dat God wen give da powa fo come judges. Dey da one dat wen tell bout Jesus, an tell wat God wen tell, an odda peopo wen cut off dea heads cuz a dat. An I see how dey stay inside. Dey neva show love an respeck fo da Wild Animal o his statue, an dey neva get his mark on top dea forehead o dea hand. Dey come back alive one mo time, an dey stay in charge wit God Spesho Guy, da King, fo da tousan year.