Luke 10:9 - Hawaii Pidgin Bible

⁹ Make da sick peopo dat stay dea come good, an tell um, ‘God stay da King hea wit you guys now.’

Luke 10:9 Iomraidhean Croise

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

Matthew 3:2

He tell, “You guys gotta come sorry fo all da kine bad stuff you stay do now, an no do um no moa. Cuz God in da sky stay King hea now.”

Matthew 4:17

Dass wen Jesus start fo teach da peopo. He tell, “You guys gotta come sorry fo all da kine bad stuff you stay do, an no do um no moa, cuz God in da sky stay King hea now.”

Mark 4:30

Jesus tell um anodda story. “God, he stay King. Wat story I get fo tell you guys fo you undastan?

Mark 6:13

An dey make plenny bad kine spirits no bodda da peopo no moa, an dey put olive oil on top plenny sick peopo, an make dem come good.

Luke 10:10

“But wen you go inside one town an da peopo no like you stay dea, go down da streets an tell,

Luke 10:11

‘Da dus from yoa town dat stick on oua feet, we shake um off fo show you guys dat God no like, cuz you guys no lissen. But you betta know dis fo shua: God stay da King hea now.’

Luke 9:2

Den he sen um all ova fo tell erybody bout how dey can get God fo dea king, an fo make da sick peopo come good.

John 3:3

Jesus tell him, “Dass right! An I tell you dis too: Whoeva not born one mo time God new way, dey no goin get God fo dea king.”

John 3:5

Jesus tell him, “Dass right! An I tell you dis too: Whoeva not born one mo time from watta an from God Spirit, dey no can get God fo dea king.

Jesus Guys 28:28

Paul tell, “I like you guys know dat God sen his guys by da peopo dass not Jew guys, fo him take dem outa da bad kine stuff dey do. An dey goin lissen!”

Jesus Guys 28:31

He teach um how fo get God fo dea king an all bout Da One In Charge, Jesus, da Spesho Guy God Wen Sen. He not sked fo tell um all dat, an nobody try make him shut up.