Luke 10:7 - Hawaii Pidgin Bible

⁷ Stay inside dat house, an eat an drink wateva dey give you. Cuz dass good dey give you someting fo da work you do. No move aroun from one house to anodda house.

Luke 10:7 Iomraidhean Croise

Census 18:31

You an yoa ohanas can eat da odda part wea eva, cuz az yoa pay fo da work you do fo da Tent Wea Da Peopo Meet Me.

Mark 6:10

Wen you guys go inside one guy house, stay dea till you go way from da town.

Luke 10:6

If one guy wit one good heart stay dea, you goin make him stay good inside. If inside he not good, wat you wen tell goin come back to you.

Luke 9:4

Wen you guys go somebody house, stay dea till you go way from dat town.

Jesus Guys 16:15

Her an her ohana get baptize, an she tell, “If you figga az fo real I trus Da One In Charge, Jesus, come an stay my house.” So she change oua mind an we stay her place.

Jesus Guys 16:34

Da jaila guy feed um too. Him an his ohana feel real good inside, cuz now dey stay trus God.

Jesus Guys 16:40

Afta Paul an Silas go outside da jail, dey go Lydia house. Dey meet da braddahs an sistahs dea an give um good kine words. Den dey go way from Philippi town.

Galatia 6:6

But whoeva teach wat God tell, da guy he teach suppose to kokua his teacha from da good stuffs da guy get.

Rules Secon Time 12:12

Ova dea you guys goin stay good inside in front God, Da One In Charge, you, an yoa boys an girls, yoa worka guys an wahines, an da Levi ohana guys from yoa town, cuz dey no mo land dat stay dea property.

Rules Secon Time 18:8

He goin get da same food wit dem fo eat from wat da peopo bring fo da Levi ohana guys. Az okay fo him get silva fo sell stuff dat stay da property a his ohana.

1 Timoty 5:13

Den dey come lazy. Dey go holoholo from one house to anodda. Dey lazy, an dey like talk stink bout erybody an dey niele bout odda peopo stuffs. Dey talk bout stuff dey not suppose to do.

2 Timoty 2:6

An one mo ting, da farma guy dat do all da hard work, he da guy dat suppose to get his share firs.