Luke 10:3 - Hawaii Pidgin Bible

³ Go! I sen you guys out, jalike fo sen bebe sheeps wea da wild wolfs stay.

Luke 10:3 Iomraidhean Croise

Songs 22:21

No let dose guys dat ack jalike lions, Rip into me! No let dose guys dat ack jalike one wild bull Kill me wit dea horns!

Zefaniah 3:3

Dea leadas, dey jalike da lions dat make big noise. Da govmen guys, dey jalike da wild dogs dat hunt wen almos dark. Dey eat up eryting, So no mo notting dea, morning time.

Matthew 10:16

“You know, I stay send you guys out jalike sheeps, an you guys goin go wea da wild wolfs stay. So you guys gotta figga wat fo do, jalike da snakes, an no hurt nobody, jalike da doves.

Matthew 10:22

Erybody goin hate you guys cuz you my guys. But da guy dat no give up till da hard time pau goin come out okay.

Matthew 7:15

“Watch out fo da guys dat tell dey talk fo God an teach stuff dass not true. Dey ony bulaias. Dey come by you guys an ack all good kine, but fo real kine, inside dey like eat you up, jalike dey wild dogs dat try fo look jalike dey sheeps.

Luke 10:4

“No take yoa money bag o odda bag o extra slippas, an no stop fo talk story wen you go down da road.

John 10:12

“But if get one worka guy dey pay, den he not da sheep farma guy. He no own da sheeps. So wen he spock one wild wolf coming, he run away from da sheeps. Den da wolf grab da sheeps, an all da odda sheeps run all ova da place.

John 15:20

“No foget wat I tell you guys. Da worka guy not mo betta den his boss. If dey make me suffa, dey goin make you guys suffa too. If dey do wat I wen tell um fo do, dey goin do wat you guys tell um fo do too.

John 16:2

Da Jew guys goin throw you outa dea churches. An even goin get one time wen whoeva kill you guys goin figga dey stay do someting good fo God.

Jesus Guys 20:29

I know fo shua afta I go, some guys jalike wild dogs goin come by you guys fo try wipe you guys out.

Jesus Guys 9:16

An I goin show him how plenny he goin suffa cuz he my guy.”

Jesus Guys 9:2

an tell um fo write lettas to da Jew churches Damascus side, fo find some guys o wahines ova dea dat stick wit da message bout Jesus, fo put dem inside da prison Jerusalem side.