Luke 1:9 - Hawaii Pidgin Bible

⁹ Dat time da pries guys pick Zekariah fo go inside God Spesho Place an burn da incense. Dey pull straw fo pick who goin go.

Luke 1:9 Iomraidhean Croise

1 Records 23:13

Da ones dat come from Amram: Aaron an Moses. Aaron an his boys come one spesho blood line foeva. Az cuz dey da ones get da kuleana fo make tings come spesho fo Da One In Charge. Dey make da sacrifices in front Da One In Charge. Dey do all da religious pries kine stuff fo him. Dey tell God fo do good tings fo da peopo foeva, cuz da Aaron guys, dey Da One In Charge guys.

1 Records 6:49

But Aaron an da boys dat come from him, dey da guys dat make da sacrifices on top da altar fo da burn up kine sacrifice, an on top da altar fo da incense, an all da stuff dey do inside da Real Real Spesho Place. Ova dea dey make da Israel peopo come pono wit God, jalike Moses, da guy dat work fo God, wen tell um fo do.

2 Records 26:16

But wen Uzziah get plenny powa, he get big head too. Az how he come wipe out. Az wen he go agains his God, Da One In Charge, cuz he go inside da Temple Fo Da One In Charge fo Uzziah burn incense on top da incense altar.

2 Records 29:11

Eh my boys, no foget yoa kuleana now. Cuz Da One In Charge wen pick you guys fo stan in front him an do his work, fo come his worka guys an fo burn up da sacrifices.”

Census 16:40

Az wat Da One In Charge tell Moses dat Eleazar gotta do. He do um lidat fo da Israel peopo no foget dat ony da guys dat come from Aaron can burn incense in front Da One In Charge. No odda guys goin do um. If anodda guy do um dat no come from Aaron, da same ting goin happen jalike wat wen happen to Korah an da guys dat stay tight wit him.

Matthew 27:5

So Judas throw down da thirty silva coins right dea inside da Temple, an go out an hang himself.

Hebrews 9:6

Afta dey put eryting inside da big tent lidat, da pries guys go all da time inside da firs room fo do da tings dey suppose to do dea, cuz dass dea job.

1 Samuel 2:28

An I wen pick yoa ancesta Aaron from all da ohanas inside Israel fo be my pries guy. He go up by my altar fo burn da incense, an he wear da pries kine spesho ves in front me. An, I give yoa ancesta Aaron ohana all da food fo you eat from da sacrifices dat da Israel peopo make wit fire.