Luke 1:8 - Hawaii Pidgin Bible

⁸ An dis wat happen. Zekariah go in front God inside da Temple fo do da pries kine job wit his pries hui.

Luke 1:8 Iomraidhean Croise

1 Records 24:19

Az how dey split da work wen dey go inside da Temple Fo Da One In Charge, jalike da rules from dea ancesta guy Aaron tell, an jalike Da One In Charge, da God fo da Israel peopo, wen tell Aaron fo do.

1 Records 24:2

But Nadab an Abihu wen mahke befo dea faddah mahke, an dey no mo boys. So Eleazar an Itamar was da pries guys.

2 Records 11:14

Da Levi guys even bag from dea grass land an da property Joshua wen give um, an go Judah an Jerusalem, cuz Jeroboam an his boys wen throw um out from do da pries kine work fo Da One In Charge.

2 Records 31:19

Get odda pries guys dat come from Aaron, dat use da farm lands aroun dea small towns nea da big towns. Get govmen guys dat get one lis wit all dea names too, fo give tings to all dem inside da lis fo da pries guys, an fo all da odda Levi ohana guys dat get dea names inside da records.

2 Records 31:2

Hezekiah pick da pries an Levi guys by dea blood lines. He tell who gotta do da diffren Temple kine jobs an wat days all dem gotta work. Dea jobs, fo make da burn up kine sacrifices, an da sacrifices fo show dat da peopo an God stay good wit each odda, an do odda kine work, an tell God “Mahalo plenny!” an sing dat Da One In Charge stay good, an be da security guard guys fo da place wea Da One In Charge make camp.

2 Records 8:14

Jalike Solomon faddah David wen figga, Solomon pick da teams a pries guys fo do dea jobs. He pick da teams a Levi guys fo dea kuleana—fo lead da peopo fo tell good tings bout Da One In Charge, an fo work wit da pries guys ery day fo do da tings da pries guys gotta do. He pick da teams a security guard guys fo watch ery gate, cuz az wat David, da guy dat stay tight wit God, wen tell um fo do.

Ezra 6:18

Den dey make da teams fo da pries guys work togedda inside da Temple Fo God Jerusalem side, an same ting fo da Levi ohana peopo dat help da prieses. Dey do um jalike da Rules tell um fo do, eryting dat Moses wen write down fo dem inside his book.

Outa Egypt 28:1

“Moses, tell yoa braddah Aaron an his boys fo come in front you: Aaron, His boys Nadab an Abihu, Eleazar an Itamar, I wen pick dem outa all da Israel peopo cuz I like dem be da pries guys fo me.

Outa Egypt 28:41

Afta you put all dis clotheses on top yoa braddah Aaron an his boys, put olive oil on top dea head fo show I wen pick dem. Make dem spesho fo me, an give dem da kuleana fo be prieses an work fo me.

Outa Egypt 29:1

“Fo make Aaron an his boys spesho fo me, fo dem come da pries guys fo me, dis how you gotta do um: “Bring one young bull, an two boy kine sheeps dat no mo notting wrong wit dem.

Outa Egypt 29:44

Dat Tent, an da altar, an Aaron an his boys, I goin make dem all spesho fo do da pries kine work fo me.

Outa Egypt 29:9

an put da hats on top dea head. Den tie da sashes on top Aaron an his boys too. Dey da ohana dat goin get da right fo be da pries guys foeva. “Dis how you goin make da sacrifices fo make Aaron an his boys come da pries guys fo real kine.

Outa Egypt 30:30

Put da spesho oil on top Aaron an his boys fo make dem come spesho fo me. Dey goin be da pries guys fo me.”

Census 18:7

Ony you an yoa boys togedda can do da pries kine work—eryting bout da altar an inside da curtain. Az my present fo you guys, da pries kine work. If anybody dass not yoa ohana go nea da place dat stay spesho fo me, dey gotta mahke.”

Luke 1:5

Wen Herod stay king fo Judea, had one pries guy name Zekariah. He work wit da Abijah pries hui. Elizabet, she his wife. She come from da Aaron pries ohana.

Luke 1:7

Dey no mo kids cuz Elizabet no can. Her an Zekariah stay ol now.