Luke 1:68 - Hawaii Pidgin Bible

⁶⁸ “Tell good tings bout Da One In Charge, Da God fo da Israel peopo! He come fo cut loose his peopo From da peopo dat stay agains us.

Luke 1:68 Iomraidhean Croise

Start 14:20

An I like tell dis bout da God Dass Mo Importan Den All Da Odda Gods: He erytime do good tings. He da One dat wen hand ova to you Da guys dat wen give you hard time.” Den Abram take all da stuffs he bring back an make ten pile, an he give one whole pile to Melkizedek, ten percent.

Start 24:27

He tell, “I like tell dis: Da One In Charge, he da God fo my boss guy Abraham. He make eryting come out good fo Abraham, fo shua! God no broke his promise fo stay tight wit my boss an do wat he tell he goin do. An same ting fo me too, Da One In Charge show me wea fo go, strait to da peopo from my boss guy ohana, jalike I suppose to do!”

Start 9:26

Noah tell dis too: “I like fo erybody tell good tings bout Da One In Charge, Da God dat my boy Shem pray to! But da Canaan ohana, dey goin come slaves fo da Shem ohana!

1 Kings 1:48

Den he pray to God lidis: “I like tell good tings bout you, cuz you Da One In Charge, da God fo da Israel peopo. Today, you wen let one a my boys take ova da throne from me, an you wen let me see all dat happen!”

1 Kings 8:15

He tell da peopo: “You know Da One In Charge, da God fo us Israel peopo! We like tell, he do good tings fo us! God wen make one promise to my faddah David befo time. An now, God use his powa fo do da ting he wen promise fo do.

1 Records 29:10

David tell Da One In Charge “Mahalo” in front all da peopo dat come togedda dea, cuz Da One In Charge stay do good tings fo dem. David tell, “Eh! You Da One In Charge! Mahalo, cuz you do good tings fo us guys! You da God fo oua ancesta guy Israel. You stay from befo time an foeva.

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

Songs 106:48

Good fo tell erybody Dat Da One In Charge, Da God fo da Israel peopo, Stay do good tings fo us guys From befo time, an foeva! We like all da peopo tell, “Dass right!” Tell good tings Bout Da One In Charge!

Songs 111:9

He wen do wat he gotta do Fo get his peopo outa trouble. He wen tell dat Da deal he wen make wit dem, Goin stay foeva. Wen you know wat kine god him, You know dat he stay good an spesho, An you know you betta Come sked a him.

Songs 130:8

Goin be Da One In Charge Dat do wat he gotta do, Fo hemo da shame From da Israel peopo Fo all da bad stuff dey stay do.

Songs 41:13

Eh you guys! Tell good tings Bout Da One In Charge! He stay da God fo us Israel peopo From befo time till foeva! Dass how he stay! Dass it!

Outa Egypt 4:31

Wen da peopo see dat, dey trus Moses. Now dey know dat Da One In Charge see how plenny dey suffa, an dat he start fo do good tings fo da Israel peopo. Right den an dea dey go down on dea knees fo show God love an respeck.

Luke 1:71

He wen promise fo take us away From da guys dat stay agains us An from da powa dey get.

Luke 19:44

Dey goin wipe out you guys, you an yoa kids inside dea. Dey not goin let one stone stay on top da odda. Cuz you guys neva like know wen God goin show up.”

Luke 2:38

Dat time she come an tell God “Mahalo plenny!” an tell erybody bout da boy. She tell all da peopo dat stay wait, cuz dey know God goin cut loose da Jerusalem peopo so dey no gotta be jalike slaves no moa.

Luke 24:21

We wen figga he da guy dat goin cut loose da Israel peopo from da powa da bad kine stuff get ova dem. Dis wen happen day befo yestaday.

Luke 7:16

Erybody come real sked, an dey talk good bout God lidis, “Az one importan guy dat talk fo God come by us! God come fo take kea his peopo!”

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

Efesus 1:7

No matta us guys broke da Rules from God, still yet Christ da One dat wen go bleed an mahke fo us. Christ cut us loose from da powa da bad kine stuff get ova us. He hemo oua shame cuz he like do plenny good kine stuff fo us, an cuz we stay tight wit him.

Hebrews 9:12

Wen Christ go inside da Spesho Place fo God, he go inside ony one time. He get da right fo go inside dea, cuz was his blood he bring in front God. He neva need da blood from da goats an cows dat dey wen kill fo make one sacrifice fo him go inside dea. An dass how he cut us guys loose foeva from da powa da bad kine stuff we do get ova us.

1 Peter 1:3

I like erybody tell how good God oua Faddah stay, an how good his Boy Jesus Christ, Da One In Charge, too. God, his Faddah, he give us guys plenny chance. Wen Jesus Christ wen mahke, he come back alive! So den, Christ wen give us one new kine life, jalike we wen born one mo time. Us guys stay trus Christ cuz we know fo shua wat he goin do fo us bumbye.

1 Samuel 25:32

David tell Abigail, “Awesome! Da One In Charge, da God fo da Israel peopo, do someting real good fo me right now, cuz he sen you today fo meet me!