Luke 1:53 - Hawaii Pidgin Bible

⁵³ He stay give da hungry peopo Good stuff fo eat, An he stay sen away da rich guys Wit notting.

Luke 1:53 Iomraidhean Croise

Songs 146:7

God, he da judge dat make shua Dat da right ting happen Fo da pooa ting peopo Dat get plenny presha. He give food to da peopo Dat stay hungry, An he let da prisona guys go.

Songs 34:10

Da young lions come hungry, Cuz dey no mo notting fo eat, But da peopo dat like come close To Da One In Charge, Dey goin get plenny good tings!

Ezekiel 34:29

I goin give dem one place fo farm dat get good rep cuz plenny food grow dea. Dey no goin suffa one mo time inside dat land cuz no mo food. Da odda nations no goin talk bad to dem no moa.

Matthew 5:6

“Da peopo dat erytime fo real kine like do da right ting, Dey can stay good inside Cuz God goin help um do um.

Luke 1:54

He stay help da Israel peopo Dat work fo him. He no foget fo give dem chance,

Luke 6:21

You guys dat stay hungry now, You can stay good inside Cuz you goin come full! You guys dat cry now, You can stay good inside Cuz you goin laugh!

Luke 6:24

“Bummahs you guys dat stay rich now! You get da easy time awready.

John 6:35

Jesus tell, “Me, jalike da bread. I da One make da peopo come alive fo real kine. Anybody come by me fo be my guy, dey no goin come hungry eva! Anybody trus me, dey no goin come thirsty eva!

1 Corint 1:26

Eh, my braddahs an sistahs! Fo undastan wat I mean, tink bout wat wen happen wit you guys, da time God wen tell all you guys fo come be his spesho peopo. If you tink da way da peopo inside da world tink, no mo plenny guys dat get plenny smarts wit you guys, o get da kine powa fo make odda peopo do wat dey like fo um do. No mo plenny guys wit you guys dat come from one big name ohana.

1 Corint 4:8

So! You guys tink you get eryting you need awready! Jalike you guys rich, aah? You guys ack big, jalike kings, an us guys not! Fo shua, I like you guys come kings fo real kine, an fo us guys come kings wit you guys too!

1 Samuel 2:5

An dose buggahs dat befo time get plenny food An come real momona, Now dey gotta bus ass fo find stuff fo eat. But da peopo dat no mo food, Now, dey no stay hungry no moa. An da lady dat no can come hapai, Now goin get seven kids. But da muddah dat get plenny boys befo, Now she no mo!