Luke 1:51 - Hawaii Pidgin Bible

⁵¹ He stay show his powa An stay make da peopo wit big head So dey no can do All da stuff dey like do.

Luke 1:51 Iomraidhean Croise

Start 11:8

Dass how Da One In Charge make da peopo move all ova da world, an az why dey neva pau build da town.

Start 6:5

Da One In Charge wen see how da peopo stay do mo an mo plenny bad kine stuff, all ova da world. All da time dey ony tink how fo do bad kine stuff.

Start 8:21

Da One In Charge, he smell da nice smell from da sacrifice an he stay good inside. He tell, “Dis da las time I goin make one bad ting happen to da groun cuz a da peopo. Cuz from small kid time, weneva da peopo make one plan, dey ony like do bad kine stuff. But I no goin wipe out eryting dat stay alive one mo time, da way I wen do um dis time.

Songs 118:15

Can hear da peopo Dat get um right wit God, Stay yelling inside dea army camp. Dey stay good inside Cuz God wen help um fo win. Dey tell: “Da One In Charge, He show dat he get plenny powa! Dass why us guys win!

Songs 33:10

Wen da diffren nations make plan, Da One In Charge jam up dea plan. Wen da diffren peopos figga wat fo do, He no let um do um.

Songs 52:9

I goin tell erybody I yoa guy, all da time, You da one wen do all dat. In front da peopo dat stay tight wit you, I goin tell wat kine god you, Cuz you real good!

Songs 63:5

Inside, I feel jalike I get eryting I like, Jalike wen I eat da bestes kine grinds. I goin yell cuz I feel good An tell erybody dat you da bestes!

Songs 89:10

You da one wen smash Da sea monsta Rahab fo him mahke. You get plenny powa, Fo make da peopo dat stay agains you Run away all ova da place.

Songs 89:13

You get plenny powa fo fight. Strong, yoa right arm, Da way you use um.

Songs 98:1

Sing one new song fo Da One In Charge, Cuz he wen do awesome tings! He da winna, Cuz he get plenny powa, An he no need nobody fo help him, Cuz he spesho!

Outa Egypt 18:11

Now I know fo shua, dat Da One In Charge, mo importan den all da odda gods, no matta da Egypt peopo make any kine to you guys!”

Isaiah 40:10

Az cuz Da One In Charge, da Boss, stay come wit powa. He stay in charge cuz he strong. He stay ready fo pay good Da ones dat help him an work fo him.

Isaiah 51:9

Isaiah tell, “Wake up! Wake up, Da One In Charge! Make ready fo use yoa powa! Wake up, jalike you wen do long time befo time, Da time oua ancesta guys wen live. Dat time, you wen kill da Egypt army guys Wen dey come afta oua ancesta guys, Jalike you wen stab Rahab da dragon, An chop um up!

Isaiah 52:10

Da One In Charge goin show how strong him Cuz he good an spesho! An all da peopo inside all da countries, Even da ones inside da mos far places on top da earth, Dey goin see How oua God get his peopo outa trouble!

Isaiah 63:12

Wea da One dat wen use his awesome powa Fo go wit Moses fo help him?! Da One In Charge wen go open da watta on da two side Fo da peopo walk thru, Strait thru da middo. An dass how Da One In Charge make erybody know Wat kine God him, foeva!

Jeremiah 49:15

“Now I goin make you Edom guys lose face, Da way all da odda peopos goin see you. You guys no goin get respeck!

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Rome 1:21

Dey know bout God, but dey no like tell him, “Eh, you stay awesome cuz you stay God!” Dey no like tell um “Mahalo plenny!” Dass why ony poho wat dey tink bout God. Cuz dey no undastan notting, jalike eryting come all dark inside dem.

2 Corint 10:5

Eryting dey put up high fo stan agains anybody dat like know God, us goin teach dem guys fo tink an undastan diffren kine. Dass jalike us capcha wat dey tink fo make um come da way Christ like us fo tink an undastan stuff.

Rules Secon Time 4:34

No mo any odda god eva dat wen take his peopo outa da land wea odda peopo stay! God wen make da Egypt peopo suffa fo tes um. He show how strong him wen he make dem come sick. He do unreal tings, an make war, an show his powa an do plenny real awesome an unreal kine stuff. Dass wat yoa God, Da One In Charge, wen do fo you guys Egypt side, an you guys see um happen!

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”