Luke 1:16 - Hawaii Pidgin Bible

¹⁶ He goin bring back plenny Israel peopo fo trus God, Da One In Charge.

Luke 1:16 Iomraidhean Croise

Isaiah 49:6

So now, dis wat Da One In Charge tell: “But dass ony one small kine job, Fo you bring back by me Da ohanas dat come from Jacob, An da ones from da Israel ohanas Dat I wen take kea. Mo den dat, I goin make you Jalike one light fo da peopo dass not Jew guys Fo you come da one Dat goin get peopo all ova da world outa trouble fo me, Even da peopo from da mos far places inside da world.”

Daniel 12:3

Da ones dat know how come dese tings happen, dey goin shine jalike da sky get plenny light. An da ones dat help plenny peopo fo do da right kine tings, dey goin shine jalike da stars foeva an eva.

Malakai 3:1

Da One In Charge, da God Ova All Da Armies, tell dis: “You know wat I goin do? I stay ready fo sen my messenja guy. He goin make ready da road befo I go dea. Da boss guy goin show up Befo you tink he goin come Ova dea inside his Temple! Dat messenja guy da one Dat you guys tell you stay look fo him, He da messenja dat tell bout da deal. An you guys tell, ‘Us guys goin stay real good inside wen he come!’ You neva know, o wat?! Fo shua he goin come!

Matthew 21:32

John Da Baptiza Guy wen teach you guys da right way, an you guys neva stay shua wat he tell stay fo real kine. But da tax guys an da wahines dat fool aroun fo money, dey stay fo shua. You guys wen see dat, an you guys still yet neva come sorry fo all da kine bad stuff you guys do an no do um no moa. No matta you wen see dat dose peopo stay shua wat he tell stay fo real kine, you guys still yet no stay shua wat he tell stay fo real kine.”

Luke 1:76

An you, my boy John, dey goin call you One guy dat talk fo da God Dass Mo Importan Den All Da Odda Gods, Cuz you goin go firs, befo Da One In Charge come, Fo make da roads ready fo him,

Luke 3:3

So he go all ova da place aroun da Jordan Riva, an tell da peopo, “You guys, you gotta come sorry an no do all da bad kine stuff you stay do now, an no do um no moa, an get baptize. Den God goin let all you guys go an hemo yoa shame fo all da bad kine stuff you stay do.”