Joshua 9:14 - Hawaii Pidgin Bible

¹⁴ So da Israel guys eat litto bit a dea food. But dey no aks Da One In Charge fo tell um wat fo do.

Joshua 9:14 Iomraidhean Croise

2 Samuel 2:1

Bumbye, afta David pau cry fo Saul an Jonathan, David aks Da One In Charge, “Time awready fo me an my guys move house ova dea to one a da Judah ohana towns, o wat?” Da One In Charge tell um, “Shoots.” David aks, “Wat town, aah?” Da One In Charge tell, “Hebron.”

2 Samuel 5:19

So David go aks Da One In Charge, “I suppose to go attack da Filisha guys, o wat? You goin let me win ova dem, o wat?” Da One In Charge tell David, “Go attack um, cuz fo shua, I goin let you win ova um!”

Ezra 8:21

By da Ahava Watta Ditch, I tell erybody fo skip food wen dey pray, an fo come togedda in front God an show dat us need him plenny. We aks God fo take us to Jerusalem, fo watch us fo nobody get hurt—us guys, oua kids, an all da stuffs we stay take wit us.

Outa Egypt 28:30

“Put da Urim an da Tumim inside da ches piece da pries guy use wen he gotta know wat fo do. Erytime Aaron go in front Da One In Charge, da Urim an da Tumim goin be dea, ova his heart. So wen Aaron gotta find out wat da Israel peopo gotta do, he goin get da tings he need fo find out, right dea ova his heart, all da time.

Census 27:21

Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

Joshua 9:13

Dese wineskins was new wen we fill dem up, but now, look! Get cracks. Oua clotheses an slippas get pukas from da long trip.’ ”

Local Leadas 1:1

Dis wat happen afta Joshua mahke: Da Israel peopo aks Da One In Charge, “Who goin be da firs ohana fo go fight fo us guys agains da Canaan peopo?”

Local Leadas 20:18

Da Israel guys go up to Bethel, an aks God fo tell um, “From us guys, who goin go firs fo fight da Benjamin guys?” Da One In Charge tell um, “Da Judah guys go firs.”

Local Leadas 20:28

an Eleazar boy Finehas, Aaron grankid, work in front da Box.) Dey aks, “We goin go up fo fight oua braddahs one mo time, da Benjamin guys, o wat?” Da One In Charge tell, “Go! Cuz tomorra I goin make you guys win ova dem.”

1 Samuel 22:10

Ahimelek aks Da One In Charge fo tell him wass goin happen wit David. He give David food, an give um da sword too dat Goliat da Filisha guy use.”