Joshua 8:18 - Hawaii Pidgin Bible

¹⁸ Den Da One In Charge tell Joshua, “Put out yoa hand an poin yoa spear to Ai! Cuz I goin give you guys Ai town.” So Joshua poin his spear to Ai.

Joshua 8:18 Iomraidhean Croise

Job 15:25

All dat happen cuz da bad kine guys make fis fo fight God! Dey get big head an tink dey can handle Da God Dat Get All Da Powa!

Job 39:23

Da arrow bag make noise by dea side, An da sun flash from da heavy spear an da spear fo throw.

Outa Egypt 14:16

You take yoa stick fo walk, an hold um out ova da sea fo make da watta go one side an da odda side. Den da Israel peopo goin go thru da middo a da Red Sea, an da groun in da middo goin be dry.

Outa Egypt 8:1

Den Da One In Charge tell Moses dis: “Go by da Pharaoh guy. Tell um, ‘You betta lissen! Dis wat Da One In Charge tell: “Let my peopo go way fo dem make one religious kine ceremony fo me.

Outa Egypt 8:5

Da One In Charge tell Moses fo tell Aaron dis: “Put out yoa hand an hold yoa stick fo walk ova da rivas, an da canals, an all da pond. Make da frogs come up outa da watta all ova da Egypt land!”

Ezekiel 30:25

I goin make da Babylon king powa come strong, but Pharaoh powa no can do notting. Den dey goin know dass me Da One In Charge do all dat, wen I put my sword inside da Babylon king hand, an he goin get da powa fo take ova da Egypt land.

Joshua 8:17

No mo guys stay back inside Ai an Bethel. Dey all go outa da town an chase da Israel guys. So da town stay open.

Joshua 8:19

Right den an dea wen Joshua poin his spear, da guys dat stay hide get up from wea dey stay an run quick. Dey go fas inside Ai town an take um ova. Dey burn down da town.

Joshua 8:26

An Joshua neva put down his hand wit da spear, till dey kill all da peopo from Ai.

Joshua 8:7

But you guys, wen we run away from dem, you goin stan up an come outa wea you stay hide. You goin take ova Ai town. Yoa God Da One In Charge goin give you guys da town.

1 Samuel 17:41

Same time, Goliat da Filisha guy an da guy dat carry his shield stay come mo an mo nea David.

1 Samuel 17:45

David tell Goliat, da Filisha guy, “You! You stay come agains me wit one sword an wit one big spear fo poke an one small spear fo throw. But me, I come agains you cuz I know wat kine god Da One In Charge stay! He Da God Ova All Da Armies, da God dat da Israel army guys pray to. Him, da one you wen talk bad bout!

1 Samuel 17:6

He get bronze kine leg armor, an one bronze sword hanging from down his back.