Joshua 8:1 - Hawaii Pidgin Bible

¹ Den Da One In Charge tell Joshua, “No sked! No come all bum out! Take all da army guys wit you, an go afta da peopo inside Ai town, an make war agains dem. Cuz I goin give you guys da peopo ova dea, dea king, his town, an his land.

Joshua 8:1 Iomraidhean Croise

Songs 27:1

Da One In Charge, he help me, An he get me outa trouble, Jalike he da light fo me. No need fo me stay sked nobody! Da One In Charge, he goin make shua nobody kill me, Jalike he one strong wall fo me, I no need come sked an shaking.

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)

Isaiah 12:2

“Fo shua, he da God get me outa trouble. I goin trus him an no stay sked. Cuz Da One In Charge, da One make me strong An give me powa. He come awready, da One get me outa trouble.”

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Jeremiah 46:27

“But you peopo Dat get my worka guy Jacob fo yoa ancesta, No sked! You peopo dat get Israel fo yoa ancesta, No lose fight! Fo shua, I goin get you guys outa trouble No matta you stay live one far place, I goin get yoa kids outa da land wea dey stay prisonas. Nobody goin bodda da Jacob ohana one mo time. Dey goin come so notting bodda dem, An nobody goin make dem come sked an shaking.

Jeremiah 49:3

“You Heshbon peopo, yell real loud Cuz you stay real sore inside Cuz Ai town stay all bus up! Yell, you small towns aroun Rabbah! Put on burmbag kine clotheses An cry jalike fo one funeral Fo show you stay all bum out! Cut yoa body fo make um bleed An run all ova da place Inside yoa town wall, Jalike you donno wea fo go! Az cuz da army guys dat goin come Goin make yoa god Molek dea prisona, An take away his pries guys an leada guys anodda land.

Daniel 2:21

He change wass goin happen, Now an bumbye. He make some kings come solid, An throw out some odda kings. Da guys dat know wat fo do erytime, He make um know even mo betta wat fo do. Fo da guys dat undastan stuff, He make um know even mo plenny.

Daniel 4:25

Da peopo goin make you go way from dem an go stay wit da wild animals. You goin eat grass jalike da cows an come wet wit da dew from da sky. Afta seven year, you goin know dat da God Dass Mo Importan Den All Da Odda Gods, get da powa fo tell all da govmens in da world wat dey gotta do. God can give whoeva he like come da king fo dem.

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Matthew 8:26

But he tell, “How come you guys sked? You guys ony trus me litto bit, o wat?!” Den he get up. He scold all da winds an da waves. Den eryting come calm.

Rules Secon Time 1:21

Look! Right dea, dass da land dat God, Da One In Charge, stay give you guys awready! Go take um ova, jalike Da One In Charge, da God oua ancesta guys wen pray to, tell you guys fo do. No sked. No lose fight.’

Rules Secon Time 31:8

Da One In Charge, he da One goin go in front you guys, an he goin stay wit you guys. He goin help you guys erytime He not goin bag from you! No sked! No lose fight!”

Rules Secon Time 7:18

No sked a dem! You guys gotta rememba, an no foget, wat oua God, dass Da One In Charge a us, wen do to Pharaoh an all da Egypt peopo.

Rules Secon Time 7:21

No come sked an shake cuz a dem! Cuz oua God, Da One In Charge, stay right hea wit you guys, an he one God dat stay big an awesome.

Joshua 1:9

I neva tell you awready? You gotta come real strong an no lose fight fo shua! No sked notting, an no come bum out! Cuz me, yoa God, Da One In Charge, I goin stay wit you wea eva you go.”

Joshua 10:7

So Joshua go wit all his army guys wit all da bestes guys fo fight an march from Gilgal.

Joshua 10:8

Da One In Charge tell Joshua, “No sked dem. I goin help you guys win ova dem. Dey no can stan agains you guys.”

Joshua 2:24

Dey tell Joshua, “Da One In Charge stay give us all da land fo take ova. An all da peopo ova dea stay jalike dey melting in front us, cuz dey real sked!”

Joshua 6:2

Den Da One In Charge tell Joshua, “Try look! I stay give you Jericho town, an dea king, an dea army guys.

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”