Joshua 7:6 - Hawaii Pidgin Bible

⁶ Joshua rip his clotheses, an go down an put his face on top da groun in front da Box Fo No Foget Da One In Charge. He stay dea till litto mo dark. Da older leadas fo da Israel peopo do da same ting, an throw dirt on top dea head fo show dey stay sad inside.

Joshua 7:6 Iomraidhean Croise

Start 37:29

Laytas, Reuben come back an go by da big hole, an you know wat? No mo Joseph inside dea! Reuben come plenny sore inside. He rip his clotheses fo show he stay hurt inside.

Start 37:34

Den Jacob rip his clotheses fo show he hurt plenny inside. From den, aroun da middo he wear ony itchy kine clothes da kine dey make from goat hair, an fo long time he stay cry fo his boy.

2 Samuel 1:11

Den David grab his clotheses an rip um fo show he stay sad inside. All da guys wit him, dey do da same ting.

2 Samuel 1:12

Dey stay sad inside, an cry, an skip food till litto mo dark, cuz a Saul an his boy Jonathan, an fo Da One In Charge army, an da Israel ohana, cuz all dose guys get kill wit swords.

2 Samuel 1:2

Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

2 Samuel 12:16

David beg God fo make da bebe come good. David skip food fo him pray, an ery nite he go inside his house an lay down on da groun fo sleep.

2 Samuel 13:19

Tamar put ash on top her head, an rip da fancy kine clotheses she wear. She put her hands on top her head fo show dat she stay sad inside, an she go way yelling real loud fo help.

2 Samuel 13:31

Right den an dea, da king stan up an rip his clotheses fo show he stay sad inside. Den he lay down on top da groun. An all his worka guys dat stay dea rip dea clotheses too.

2 Kings 22:11

Wen da king hear wat da Book Wit Da Rules tell, he rip his clotheses fo show he stay sad inside.

2 Records 34:19

Wen da king hear wat da Rules tell, he rip his clotheses fo show he stay bum out!

Ezra 10:1

All dat time Ezra stay pray fo tell God dat no was right wat dey wen do. He stay cry an throw his body down on top da groun in front da Temple Fo God. Uku pile a Israel peopo come by him, guys an wahines an kids. Dey stay cry plenny too.

Nehemiah 9:1

Octoba 31, da peopo meet one mo time. Dis time, dey no eat cuz dey like pray. Dey wear burmbag kine cloth fo show dey stay sad inside, an dey put dirt on top dea heads.

Esther 4:1

Wen Mordecai find out bout eryting Haman guys goin do to da Jew guys, he rip his clotheses, an put on burmbag clotheses an throw ashes up in da air an let um come down on top his head fo show he stay sad inside. Den he go outside his house wea he live fo go inside da big town, an he cry real loud fo get help from somebody.

Esther 4:3

Inside ery districk wea da Jew guys hear wat da king tell da odda peopos fo do, da Jews ack jalike get funeral. Dey no like eat, an dey cry an yell real loud. Plenny Jew guys all ova da place wear burmbag clotheses, an throw ashes up in da air an let um come down on top dea head cuz dey stay plenny sore inside.

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Job 2:12

Dey look wen dey still stay far, an dey almos donno az him. Dey start fo cry loud, an dey rip dea clotheses an throw dirt in da air fo make um come down on top dea heads fo show dey stay sad inside.

Job 42:6

Az why now I pau poin finga you! I goin change my attitude! An fo show I sorry, I stay sit in da dirt an ashes.”

Sad Song 2:10

Da older leadas fo Jerusalem sit on top da groun, an no talk. Dey sprinkle dirt on top dea heads. An dey wear burmbag clotheses fo show dey stay sad. Da young wahines from Jerusalem lay on da groun an put dea face in da dirt, Fo show dey stay sad inside.

Census 14:6

Joshua, Nun boy, an Caleb, Jefunneh boy, from da spy guys dat wen scope out da land wit da oddas, dey rip dea clotheses fo show da peopo az bad wat dey tink.

Census 16:22

But Moses an Aaron go down an put dea face on top da groun, an yell, “God, you da God fo da spirits a all da peopo on top da earth! Try no come huhu wit all da peopo wen ony one guy wen do one bad ting!”

Census 16:45

“Go way from all dese peopo, fo me wipe dem all out right now!” But Moses an Aaron go down an put dea face on top da groun.

Jesus Guys 14:14

Wen Jesus guys Barnabas an Paul find out wat da peopo stay trying fo do, dey rip dea clotheses fo show dat wat da peopo stay do not pono. Dey run inside da middo a da peopo an yell

Joshua 7:7

Joshua tell, “Haah, Da One In Charge?! You da Boss! But how come you bring dese peopo across da Jordan Riva fo let da Amor peopo wipe us out?! Mo betta us wen stay da odda side a da Jordan Riva!

Jesus Show 18:19

Dey throw dirt on top dea heads fo show dey sad, An dey cry an stay sad inside. Dey talk loud an tell, “Horraz! Horraz! Babylon, da big town! All us guys dat wen get boats on top da ocean, Us come rich, cuz we bring rich stuffs to Babylon! In one hour dat town wen get wipe out!”

Local Leadas 11:35

Wen he spock her, he rip his clotheses. He yell, “Bummahs! My girl! You wen bring me down, an jam up my life! Cuz I wen make one strong promise to Da One In Charge, dat I no can broke!”

Local Leadas 20:23

Da Israel guys go up an cry in front Da One In Charge till almos dark. Dey aks Da One In Charge fo tell um, “We goin go agains oua braddahs one mo time, da Benjamin guys?” Da One In Charge tell dem, “Go agains dem.”

Local Leadas 20:26

Den all da Israel peopo, an all da army guys, go up to Bethel. Dey sit ova dea, crying in front Da One In Charge. Dey skip food dat day fo pray till almos dark, an make burn up kine sacrifices, an da kine sacrifices dat tell dat dey stay good wit Da One In Charge.

Local Leadas 21:2

Da peopo go Bethel town, an sit in front Da One In Charge till almos dark, moaning an crying real bad.

1 Samuel 4:12

Had one guy from da Benjamin ohana dat run away from da war, an he go back Shiloh town dat same day. His clotheses all bus up, an he get dirt on top his head fo show he stay sad inside.