Joshua 7:2 - Hawaii Pidgin Bible

² Joshua sen guys from Jericho to Ai, nea Bet-Aven, da east side Bethel. He tell dem, “Go up dea fo scope out da land.” So da guys go an scope out Ai.

Joshua 7:2 Iomraidhean Croise

Start 12:8

From dea, Abram dem go mo down inside da Canaan land. Dey go up country, da east side from Bethel town. Dass da place dey put up dea tents: da west side get Bethel, an da east side get Ai. Same ting jalike da odda place, Abram pile up rocks fo make one altar fo Da One In Charge. He make one sacrifice dea too, an he tell Da One In Charge, “Eh! I like you help me, cuz I know wat kine god you.”

Start 28:19

He give dat place da name Bethel, dat mean, “God House.” (Befo time, da town dat was dea, dey ony call um Luz.)

1 Kings 12:29

Jeroboam put up one a da idol kine gods Bethel side nea da borda wit Judah, an da odda one in da north, Dan ohana side.

Nehemiah 11:31

Da Benjamin peopo, dey live Geba town, Mikmash, Aija, Bethel an da towns aroun dea,

Smart Guys 20:18

Wen you make plan fo do someting new, Aks odda peopo fo help you tink wass good fo do, Den, yoa plan goin be mo solid. So, make shua you get peopo Fo help you tink good Befo you make war.

Smart Guys 24:6

Cuz fo make war, You need diffren peopo Fo help you make one good plan. You gotta lissen plenny peopo Dat can tell you wass good fo do, Fo you win da war.

Isaiah 10:28

Look! Da Assyria army stay come! Awready dey come Ayat, an den pass by Migron. Dey leave some guys Mikmash side fo guard dea stuffs dea.

Jeremiah 49:3

“You Heshbon peopo, yell real loud Cuz you stay real sore inside Cuz Ai town stay all bus up! Yell, you small towns aroun Rabbah! Put on burmbag kine clotheses An cry jalike fo one funeral Fo show you stay all bum out! Cut yoa body fo make um bleed An run all ova da place Inside yoa town wall, Jalike you donno wea fo go! Az cuz da army guys dat goin come Goin make yoa god Molek dea prisona, An take away his pries guys an leada guys anodda land.

Hosea 4:15

“No matta you Israel peopo fool aroun lidat, I no like fo da Judah peopo make lidat an get da blame. No go Gilgal fo pray to dea fake gods! No go Bet-Aven fo pray to dea fake gods! An no make one promise an tell, ‘Fo shua Da One In Charge stay alive, An he goin punish me if I no do um!’

Matthew 10:16

“You know, I stay send you guys out jalike sheeps, an you guys goin go wea da wild wolfs stay. So you guys gotta figga wat fo do, jalike da snakes, an no hurt nobody, jalike da doves.

Efesus 5:15

So den, watch out how you guys ack. Be shua you erytime know wat fo do. No make jalike peopo dat donno notting.

Joshua 12:9

da king fo Jericho, da king fo Ai, nea Bethel,

Joshua 18:12

Da north side dea land go from da Jordan Riva, den go da north side a Jericho an den go west up country, an come out to da boonies nea Bet-Aven town.

Joshua 2:1

Da Canaan peopo neva know, but Joshua, Nun boy, sen two guys from Koa Tree Town fo scope out da land, fo find out how stay. He tell um, “Go find out how da land stay, da odda side Jordan. Scope um out. Jericho da main town us guys need fo know bout.” So dey go ova dea. Dey go by one hoa. Her name, Rahab. Dey stay dea.

Joshua 7:3

Wen dey come back by Joshua, dey tell um, “No need sen all da army guys agains Ai. Cuz ony get litto bit guys ova dea. Ony need two o three tousan guys fo win ova um. No need make all da peopo come all had it.”

1 Samuel 13:5

Da Filisha guys come togedda too fo fight da Israel guys, wit three tousan war wagon, six tousan guys dat ride horse, an choke plenny infantry guys, jalike da sand on top da beach. Dey go up an make camp Mikmash side, from Bet-Aven on da east side.

1 Samuel 14:23

Dass how Da One In Charge get all da Israel guys outa trouble dat time. Dey fight all da way to Bet-Aven.

1 Samuel 30:27

He sen da stuffs by plenny towns: fo da leada guys inside Bethel, Ramot inside da Negev, an Jattir,