Joshua 7:12 - Hawaii Pidgin Bible

¹² Az why da Israel peopo no can stan up agains da guys dat stay agains dem. Dey goin turn aroun an run away! Az cuz da Israel peopo wen come da ones dat gotta come wipe out jalike one sacrifice! If you guys no wipe out wateva kapu stuff you guys get, I no goin stay wit you guys no moa!

Joshua 7:12 Iomraidhean Croise

Songs 44:10

You make us guys run away From da guys dat stay agains us. Da peopo dat hate us, Dey rip off oua stuffs.

Songs 60:10

Goin be you, God, dat goin do dat, No matta you da one Dat wen dump us guys, An you no go wit oua army guys Wen dey go out fo fight!

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Isaiah 59:2

So! How come you guys stay cut off from da God you pray to, Da One In Charge?! Az cuz you guys do bad kine stuff dat God goin punish you fo, az why! How come God no let you see his face An he no lissen?! Cuz you guys stay do bad kine stuff, az why!

Jeremiah 23:33

“Eh! Jeremiah! Wen dese peopo, o one guy dat tell he talk fo me, o one pries guy, tell, ‘Wat kine message you get from Da One In Charge?’ tell um, ‘Wat you mean, message?! “I goin bag from you guys!” Az da message from Da One In Charge!’

Jeremiah 6:8

You Jerusalem peopo betta lissen up right now! O I goin had it wit you guys. An I goin wipe you guys out Fo no mo nobody live inside yoa land.”

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

Habakkuk 1:13

You stay good an right. Wen you see peopo do bad kine stuff, You no tell az okay. You tell “Laytas” to eryting dass wrong! So den, how come you let da bad peopo Make one plan fo set up peopo dat trus dem? Wen dey scam da peopo Dat do wass right mo den dem, How come you no tell notting?!

Census 14:39

Wen Moses tell all da Israel peopo bout dat, dey come real sore inside.

Census 14:42

No go up dea, cuz Da One In Charge no stay wit you guys! Da guys dat stay agains you guys, goin win ova you!

Census 14:43

Cuz da Amalek peopo an da Canaan peopo goin face you guys ova dea. Az cuz you guys turn aroun an no follow Da One In Charge. Cuz a dat he no goin stay wit you guys, an you guys goin get kill wit swords!”

Census 14:45

Den da Amalek guys an da Canaan guys dat live inside da hills go down attack da Israel guys, an bus um up all da way to Hormah.

Rules Secon Time 7:26

No take one idol kine god inside yoa house cuz az pilau da way Da One In Charge see dat. If you take um inside, Da One In Charge goin put kahuna on top you guys fo wipe you out jalike you one sacrifice fo him, jalike he goin wipe out da idol. You guys gotta hate dat kine pilau stuff fo real kine, an no take um, cuz Da One In Charge goin wipe um out jalike dass one sacrifice fo him.

Joshua 6:18

But watch out! No touch da stuff dat stay kapu fo you guys, cuz make you come pilau. Az why goin come wipe out cuz you take um. Cuz if you do dat, you goin make da Israel camp come pilau, an you guys goin jam up oua peopo too.

Local Leadas 16:20

Den she yell, “Samson, da Filisha guys stay hea an come afta you!” He wake up an figga, “I goin go out jalike befo, an shake off da ropes.” But he donno dat Da One In Charge wen tell “Laytas” to him!

Local Leadas 2:14

Da One In Charge stay huhu wit da Israel peopo. So he let some steala guys go rip dem off. Az jalike he sell dem to da peopo dat live all aroun dem an hate dem. Da Israel peopo no mo da powa fo stop da steala guys.

Local Leadas 2:4

Wen da angel messenja guy pau talk lidat to all da Israel peopo, dey cry loud.

1 Samuel 14:38

Az why Saul tell, “All you main leada guys fo da army, come ova hea by me. Go find out wat bad ting we wen do today.